*اتعلم عمل الفريقTeam Work
.. NON of us is as SMART as all of us
عايزك تتخيل انك اشتركت في فريق لعمل برنامج كومبيوتر.. أولا لازم يكون فيه قائد للفريق.. القائد ده مش لازم يكون أشطر واحد ولا أهم واحد.. هو بس عنده معرفة بالإداره .. ( مثلا خريج إدارة أعمال) ..وواحد مُبرمج (هندسة حاسبات).. والتاني فنون جرافيكس..وده حيعمل رسومات البرنامج.. والأخير حيسوّقه للشركات.. (وده طبعا خريج (Marketing) .. انتم كده متكاملين .. ممكن مسئول التسويق يقول لمسئول الفنون.. بلاش اللون ده.. عشان الناس لا تـُقبل عليه.. انما ماينفعش إنه ينسى يعمل الخطه التسويقيه.. وييجي تاني يوم معاه تصور بألوان ورسومات البرنامج.. هو كده ساب شغله.. ونط على شغل زميله .. عمله بطريقه أقل.. إثباتا إنه بيعرف في الفوتوشوب.. لأ .. عايزك تتعلم تقوم بدور الترس في الماكينة.. خليك في مجالك.. ممكن تقول رأيك لو حد طلبه..أو تقدمه إقتراح.. لكن لو نطيت على شغل غيرك.. أو ظنيت إنك ممكن تعمله أحسن.. الدنيا حتتلخبط.. ومش حنعرف نحدد المسئوليات ..اتقن الجزء بتاعك .. وغيرك يتقن هو كمان الجزء بتاعه.. كده تطلعوا شغل كويس.. والناس بره بيعملوا كده..
كمان الـ team work محتاج عدم التنصل من المسئولية أو القائها على الآخرين.. مش لما المدير يسأل ازاي الدوسيه مايروحش المكان الفلاني.. ماتردش ( مش أنا ) .. ده اسمه تنصل..المفروض يا إما كنت وديت الدوسيه .. أو على الأقل تاخده توديه فورا ..طبعا موضوع زي ده عايز كلام كتير.. لكن مش حأطول عليك..المهم يوصل...
عايزك تتخيل انك اشتركت في فريق لعمل برنامج كومبيوتر.. أولا لازم يكون فيه قائد للفريق.. القائد ده مش لازم يكون أشطر واحد ولا أهم واحد.. هو بس عنده معرفة بالإداره .. ( مثلا خريج إدارة أعمال) ..وواحد مُبرمج (هندسة حاسبات).. والتاني فنون جرافيكس..وده حيعمل رسومات البرنامج.. والأخير حيسوّقه للشركات.. (وده طبعا خريج (Marketing) .. انتم كده متكاملين .. ممكن مسئول التسويق يقول لمسئول الفنون.. بلاش اللون ده.. عشان الناس لا تـُقبل عليه.. انما ماينفعش إنه ينسى يعمل الخطه التسويقيه.. وييجي تاني يوم معاه تصور بألوان ورسومات البرنامج.. هو كده ساب شغله.. ونط على شغل زميله .. عمله بطريقه أقل.. إثباتا إنه بيعرف في الفوتوشوب.. لأ .. عايزك تتعلم تقوم بدور الترس في الماكينة.. خليك في مجالك.. ممكن تقول رأيك لو حد طلبه..أو تقدمه إقتراح.. لكن لو نطيت على شغل غيرك.. أو ظنيت إنك ممكن تعمله أحسن.. الدنيا حتتلخبط.. ومش حنعرف نحدد المسئوليات ..اتقن الجزء بتاعك .. وغيرك يتقن هو كمان الجزء بتاعه.. كده تطلعوا شغل كويس.. والناس بره بيعملوا كده..
كمان الـ team work محتاج عدم التنصل من المسئولية أو القائها على الآخرين.. مش لما المدير يسأل ازاي الدوسيه مايروحش المكان الفلاني.. ماتردش ( مش أنا ) .. ده اسمه تنصل..المفروض يا إما كنت وديت الدوسيه .. أو على الأقل تاخده توديه فورا ..طبعا موضوع زي ده عايز كلام كتير.. لكن مش حأطول عليك..المهم يوصل...
هناك 17 تعليقًا:
حضرتك حتي في اللعب مابيعرفوش يلعبوا تيم
كل واحد عايز هو اللي يحط الجون
نتعلم يعني ايه مسؤليه الاول وبعدين نتعلم ازاي نكون ترس في ماشين عارف دوره
فعلا مش معقول يتدخل احد فى شغل زميله فى العمل إلا لوطلب منه او يتقدم باقتراح
كده قام بخطأين
الأول ساب شغله ضيع جزء من العمل النهائى
والثانى لخبط زميله التانى وضيعوا وقت بعض
والفريق مطلوب لإنهاء المهمات بسرعة وتكامل
جزاك الله كل خير
د إبراهيم
كله إلا التيم وورك، بجد ده حاجه حلوه اوي محدش هيفهمها او يعرف معناها إلا اللي مارسها ، يمكن الحاجه الوحيده االي استفدتها شخصيا من كليتي هيا التيم وورك...
سنه كامله في مشروع التخرج، مع 3 من اروع الزملاء والاصدقاء وكمان اهل الزملاءاللي عمري ما هنساهم برضه..إحقاقا للحق...بجد سبحان الله كانت متقسمه برضه واحد شغال على الكمبيوتر مثلا وواحد تصحيح لغه وواحد على النت وواحد الكليه والكتب وهكذا...بجد انا عمري ما هنسى التجربة دي ابدا...اتخانقنا كتير عشان محدش يفتكر ان الحياة كانت وردي بس مكنتش خناقات على مين هيمشي راييه على التاني او مين اللي كلامه هيمشي ده كانت عشان كل واحد عايز يعمل احسن حاجه..بجد عشان مطولش تجربة مثمرة جدا اتعلمنا منها كتير...ويا ريت تبقي موجوده في كل الكليات بس الاهم في المدارس عشان نتعلمها من صغرنا فيطلع جيل ميتخنأش مين اللي هيجيب او يحط الجون زي ما قالت شمس النهار...
محتاجين كتير جدا فعلا لسه في الموضوع دا...بس بكره اكيد احلى...
* صدقتي يا حاجّة
عارفة هي دي البداية
نعرف نلعب
معرف نسمع
نعرف نحب بعضنا
نعرف نعدي واحد في الشارع
ربنا يرحمنا
* د إبراهيم
بس مين اللي يسمع
رأيي صح... صح... صح
وبعدين أشوف غيري..
هو ده اللي ماشي دلوقت
تحياتي يا دكتور
* غريب
الناس الحلوة هي اللي بتستفيد من التجارب الحلوة
ربنا يوفقك
السلام عليكم ورحمة
الله تعالى وبركاته
آفة أفاتنا يابشمهندس
اللى جيبانا ورا وللاسف
مابنعرفش ومابنحبش وما بنعملش
كمان التيم وراك دى !!!! من ايام الفراعين وتآليه وتمجيد الفرعون الاكبر وبس وكل ما ومن بعده لا شىء! !!
لا انسى كلمة الدكتور احمد زويل
حين ما استضافته مذيعة مصرية بعد فوزه بنوبل وقالت له انت عملت وانت سويت قالها من الاول وبصوته الهادى
انا ما عملتش حاجة !القسم اللى بعمل فيه هو اللى عمل احنا فريق مش فرد!!
* نورا
شكرا للإضافة
أمنياتي
يا ريت نبقي فعلا فريق عمل واحد هننجح اكتر
بس مين يفهم .زده الشغل تحول الي حرب كله عايز يحارب اللي جنبه و خلاص
ربنا يرحمنا برحمته بس الاهم نرحمبعض عشان نستاهل رحمته
تحياتي
*نور
من لا يرحم لا يُرحم
أمنياتي
السلام عليكم::
شكراً لزيارة حضرتك الجميلة لمدونتي،،،
اتمنى أشوفك على طول،،،
بالنسبة للموضوع،،
فهو نصيحة مهمة جداً ان شاء الله اعمل بيها،،،
تحياتي
* مفكر
شطرا لمرورك شرفت
تحياتي
للاسف كتير مننا ما بيعرفوش يشتغلوا فى team work لكن على المستوى الفردى ممكن تلاقيه ممتاز رغم ان عمل المجموعة عادة انتاجه اكبر وافضل لكن دا للاسف لصعوبة التواصل بين الافراد والمحاولة الدائبة بالقرصنة على ادوار الاخرين والتنصل من المسؤلية زى ما حضرتك اشرت
تحياتى لك
* رؤية
شرفتي المدونة
تحياتي
مدونتك جميله جدا وافكارها راقيه وسهله بجد حبتها لأنى حسيت انها بتخاطب عقلى وقلبى مش بتقول كلام مكلكع مفهموش
انا مش جايه اسيب تعليق علي موضوع واحد
انا جايه اقولك انى بجد اللي كسبت معرفة مدونتك
قريت بعض المواضيع منا مكنتش هلحق أقراهم كلهم للاسف معلش
وانا في طريقى قبلت الموضوع دا
اكتب كلمة واحدة في التعليق... عشان أعرف انك لسه متابع
قعدت اضحك حسيت انك شايفنى
فقولت اول ما اخلص لازم اسيب تعليق باعجابى الشديد بمدونتك الراقيه بجد
تحياتى ليك
* nour shahen
أولا أهلا وسهلا بيكي
ومبسوط إن المدونة عاجباك
عارفه ليه أنا كتبت ( إكتب كلمة واحده عشان أعرف إنك متابع )
عشان ده اللي حيفرق مع كل واحد عدى..
الإيجابي حيكتب
والسلبي مش حيهتم
وأنا شخصيا مش بيفرق معايا التعليق.. إنما بأفرح بالشباب اللي عايز يتقدم...
بامناسبة باحب غنوة اتقدم لمحمد منير في فيلم النمر الأسود
تحياتي وأمنياتي بتقدم دائم
فعلا اهم حاجة ان كل واحد يتقن الجزء بتاعة بس احنا الحمد لله في مجتمعكله بيفتي
تحياتي
إرسال تعليق