* مفيش حاجة اسمها انك تشتغل حاجه أو تعملها من غير ما تقرا عنها..أو تسأل حد خبير فيها .. نفترض انك دكتور ( طبيب يعني) وقررت تزرع جنينه بيتكم ، أو مهندس واضطريت تطبخ ، أو خريجة علوم واشتغلتي في خدمة العملاء ،، وهكذا ..حتعمل إيه؟؟؟؟ لازم يا تقرا عن الموضوع يا تسأل خبير...ماينفعش نبتدي من الصفر.. ونجرب ونغلط .. وندفع ..وتطلع نتيجه وحشه... طبعا وقبل أي حاجة.. فيه حاجات لها مختصين وما ينفعش نقرب منها.. زي إن إحنا نسلح أساسات مبنى أو نعالج مريض.. وفيه حاجات ممكن نتعلمها سواء لتطوير العمل أو تحسين مهارات الكومبيوتر مثلا... أو أي هوايه جديده...تخيلوا إيه الفرق بين واحد قرر ياخدها عافيه وبالدراع.. وبين اللي دور عن أصول الأشياء وخدها سواء من كتاب أو كورس ،، أو من حد عنده خبرة سابقة وناجح ، يعني على الرغم من انك طبيب بس قررت تزرع يبقى يا تسأل جنايني .. يا تجيب كتاب عن الزراعة.. وهكذا.. أما إنك تروح مقرر فجأه إنك استاذ في الجرافيكس.. وهات يا فوتوشوب.. وتروح تقول لخالك أنا حأعمل لحضرتك لوجو الشركه الجديد.. وتودي الـملف الـمطبعه .. ويطلع غلط خالص.. وشركة قريبك يبقى منظرها مش منظر محترفين.. ويضطر يعيد الكلام ده عند ناس محترفه...شكلك وحش خالص ساعتها... إنما ممكن تجرب في كارت عيد ميلاد لصاحبك ... وهكذا... أنا لقيت ناس كتير عملوا كده أو حاجات زي كده... واحده عملت مهندسه ديكور عشان هي عندها ذوق في الألوان... والحمام نشع على الباركيه اللي بالشئ الفلاني..وخسرت صاحبتها كمان... الخلاصه ماتقولش أعرف وانت متعرفش...
هناك 20 تعليقًا:
السلام عليكم ورحمة
الله تعالى وبركاته
من قال لا اعلم
فقد افتى
هكذا قالوا قديما
وهكذا هو قول صحيح
لكن مافى مانع من
التجارب للتعلم
على نطاق ضيق
وغير ضار للاخريين
فالتجربة خير معلم
هكذا قالوا قديما
وهكذا هو قول صحيح .
معاك حق الى ميعرفش يقول معرفش
دمت بكل الود
من قال لا اعلم فقد افتىىىىىى
بوست تحفففففففففه
اوافك الرأي يا سيد محمد لازم الواحد يكون عنده فكرة .. بس المهم هل هو في شغل اصلا حسب فكرك في الوطن العربي ولا شغلين سحلبيسه
السلام عليكم و رحمة الله
أسعدتنى زيارتك يا أستاذى
و أتمنى أن تتكرر
و حضرتك معاك حق
لازم الواحد يعرف قبل ما يجرب
أو يسأل خبير
لكن أحيانا تضطرنا الحياة
للتجريب دون علم
دمت بود
عنا مثل يقول
عطي الخباز خبزه
ولو اخذ نصه!!
المعرفه بالشئ حاجه والتمكن والاتقان حاجه
المفروض ان الانسان مايشتغلش حاجه الا اذا كان متمكن من ادواته فيها
يعني مهندسة الديكور دي اهي مهندسه بس مش متمكنه من ادواتها فاالدنيا ضاعت
انا مثلا اللي يقول لي النهارده اشتغلي مهندسة ديكور اقول له لا انا نسيت خلاص
ومش عيب ان الانسان يقول مااعرفش
اكرم من انه يغلط في شغله او اي امر من امور الحياه
توبيك جميل فعلا الواحد لازم يسئال قبل اى حاجه عشان يقدر يقرر انو يستمر وبيدا ام يمنع وبيعد تحياتى
@عندك حق فعلا
وكمان لايفتى ومالك فى المدينه اى اذا وجد المختص فلما نذهب لمن لايعلم
عندك حق
لا يجب للإنسان أن لا يخوض فيما لا يعرفه
وان لا يخجل من قول لا أعلم
ولكن هذه ليست حجة للإتكالية أو الكسل
يعني مثلا لا مانع من أكون مدرسة أطفال وكاتبة في نفس الوقت طاهية جيدة وهوايتي الزراعة وتجميع النباتات النادرة من الصبارات
لا مانع من ان تكون لك عدة هوايات واهتمامات
تحياتي
على فكرة انا أضفتك عندي يارب ده ميزعلكش
** أسما
ده يشرفني
يا سلام
انت كده هربت من الإجابة انت عايز تقنعني انك مبتكذبش ولو كذبةطيبة
ليه مجاوبتش على السؤال في باب الشمس؟
يالا ارجع وجاوب ومتخفش سرك في بييييييييييييييييير
انا علقت علي البوست ده يا دكتور من كام يوم ؟؟؟
ادي العيش لخبازة
كنت و انا صغير يعني من 50 سنه لدي فضول غريب اراقب السباكين و النجارين و كل اصحاب الحرف و الاحظ كيف ينفذون اعمالهم و اقوم بتطبيقها و كانت تنجح بنسبة كبيرة
و كان اعتقادي ان لو انسان استطاع عمل شئ فان ايضا اقدر علي صنعه
و الان اصبحت اكثر خبرة بالكسل و الاتكاليه باستدعاء الصنيعيه لاتفه الاسباب
تحياتي
عزيزي أحوال الهوى..
الكثير لم يفهم مني ما قلته..
الغرض كان من هذا البوست أن نحاول تعلم الأشياء قبل ممارستها.. يعني لازم أقرا زراعه قبل ما أزرع وهكذا...ومافتيش في غير تخصصي.. لأن الشاهد هذه الأيام أن ععد من يفتي بغير علم كثر جددددا
أما أنك تستعين باحرفيين من باب الكسل... لأ طبعا ده حفاظا على وقتك.. لأنه أثمن...
أمنياتي
** أسما
رديت عليكِ
عموما أنا ماهربتش
(:
أحيانا يا صديقى المطلع الهاوى بيكون أمهر و أتقن حرفة من المحترف نفسه
والدى رحمة الله عليه كان أستاذ جامعى مرموق و فى نفس الوقت كان يمتلك محل تجارى يمارس فيه تجارته بكل مهاره
الغريب بقى أنه كان بيهوى النحاره و التعامل مع الأخشاب و ماشفتش ليومنا هذا نجار محترف زيه أو فى مهارته
كمان كان بيهوى شغل الأويما و تعلمها بشكل علمى صحيح فكان بيحفر الأويما بأنامل من حرير و بقبضه من حديد
الدراسه و التعلم تخلق من الاٍنسان شخص ماهر لو قرر فعلا أن يتعلم أما الفهلوه و دهان الهوا دوكو فلا تؤدى اٍلا لطريق واحد هو طريق الفشل الذريع
تحياتى و تقديرى
**عمرو العزيز
هذا ما أقصده.. الفهلوة.. إنما أن تأخذ الموضوع بجد ودراسه فلا مانع..
وزي ما انت قلت: الهاوي عاشق.. وإذا احترف...تزوج...
(:
مجرد ابتسامه
تلك هى المشكله: إدعاء المعرفه الظاهريه المبنيه على الجهل..
فليس من العيب ان تقول لا أعلم
فقد قيل من قال لا اعلم فقد افتى ..
فى حين انه اذا اردت ان تعلم فلتبدأ بتعلم ما تريد ادعاءه لتكن المعرفه قوامها علم وجهد..
إرسال تعليق