الجمعة، 27 مارس، 2009

التركيز..التركيز..التركيز

* التركيز.. التركيز.. ركز في اللي بتعمله..لإن الست لو اتكلمت كتير في التليفون وهي بتطبخ .. حتنساه على النار لغاية ما يتحرق وتقولك .. يوووووه نسيت.. ما كنتش واخده بالي.. مره في مره.. جوزها حيطفش.. واليي بيسوق العربيه لو اتكلم في التليفون المحمول.. وسرح أواتنرفز في خناقه.. أوووبس.. حادثه.. والتركيز أحد أسباب النجاح.. بل من أحد أهم أسباب النجاح.. ولو مش بتقدر تعمل حاجتين في نفس الوقت ... اعمل حاجه واحده واكتب التانيه في ورقه.. وبعدين بص في الورقه... واللي بيقول انه ممكن ينسى الورقه أصلا... يبقى مش ناوي يتغير للأحسن..كمان تنفيذ الأمر أو الطلب أو المهمه بسرعه ... عشان نخلص اللي علينا ونتقدم...والتركيز ممكن نعمله تمرين.. يبتدي بإني أحاول إني مانساش .. وده يجي لما تتمرن على إنك تعمل عمليات حسابيه يدوي مش بالآله الحاسبة.. ( ده مش كلامي .. دول أصحابنا اليابانيين) .. حاول تركز.. في اللي بتشوفه .. وإفتكره.. هو انت امبارح كنت لابس قميص لونه إيه..أو هو رئيسك في العمل ..عيد ميلاده إمتى ؟ وكمان تمرين تاني.. اربط كل اسم شخص بتقابله مرات قليله.. اربط اسمه بصورته بموقف أو فيلم أو أغنيه... أو أي حاجه تفكرك بيه... يعني لو كان على اسم أخوك مثلا.. يبقى ده اللي بيفكرني بأخويا... وهكذا... عشان تفتكر اسمه لما تقابله وتتحرج... كمان... هات صورك القديمه واتمرن كل سنه حتى على تذكر الأشخاص الموجوده بالصوره... وهكذا...واللي بيحب الأفلام يحاول دايما يفتكر اسماء الأبطال... وكمان لو قريت كتاب كنت قريته من سنه...ممكن تلاقي نفسك بتفتكر صفحات معينه.. وده حيخليك تحسن تركيزك...

هناك 25 تعليقًا:

smilyrose يقول...

والله عندك حق يا باش مهندس

عدم التركيز بيتسبب فى مشاكل كتير


ممكن تعرض الواحد لازمات

ودا اللى بعانى منه دلوقتى

بسبب ظروف ضغط الشغل والدراسة

والكورسات وعدم النوم اصبحت فاقدة

للتركيز ككل وتقريبا تم فصل كابل البور


هههههههههههههههه


موضوع جه فى وقته

smilyrose

وردشان


روح الحب الصادق

smilyrose يقول...

ايه دا دا اول تعليق

ومش اخدت بالى

شفت عدم التركيز


ههههههههههههههه


smilyrose

وردشان


روح الحب الصادق

من غير عنـــوان يقول...

نورتي يا ورد

محدش بيموت ناقص حلم يقول...

اجمل ما فى التركيز التركيز

دمت مبدعا


وهادفا

mahasen saber يقول...

واليى معندوش الملكه دى يعمل ايه

يعنى مخه شبه معدوم التركيز

عمرو يقول...

أشكرك يا صديقى الحكيم على نصائحك الغاليه دوما بارك الله فيك
و بجد أنا حأجرب الطرق اللى أتكلمت عنها و حأبقى أقول لك النتيجه أيه :)

صمت المشاعر يقول...

عندك حق فعلا التركيز شيء مهم جدااا


لان الانسان بيتحط في مواقف محرجه كتير بسبب قلة التركيزز او النسيان


دمت بكل خير

mohamed ghalia يقول...

جميله بجد نصايحك أستاذى
تسلم إيدك

fashkool يقول...

السلام عليكم بنا بيه
تحياتى

فعلا التركيز اهم صفه انسانيه لمن اراد النجاح

بس نعمل ايه بقى فى اللى بينسى البوتجاز مولع بعد ما يخلص الشاى
اخوك فشكول دايما بينسى البوتجاز بعد الشاى
والحاجه ام العيال تقعد تزعق لى
وانا ما بتعلمش خالص
بس فيه حاجات كتير بركز فيها تركيز كبير
يعنى شويه كدا وشويه كدا
تحياتى

fashkool يقول...

على فكره انا حاروح اسكندريه فى شم النسيم .
جهز بقى القهوه والشاى والبانجو كمان عشان نشربهم على البحر

انا زائر دائم لاسكندريه وخصوصا فى الشتاء

رحت السنه دى حوالى اربع مرات فى الشتاء

واللى يعرف اسكندريه يلاقيها فى الشتاء احلى من الصيف
تحياتى لك بصفه خاصه ولكل اهالى اسكندريه بصفه عامه

الجواز و سنينه يقول...

حضرتك كالعاده مبدع
و الله مش مجامله
بس بحس انى بستفيد جدا من حضرتك
انا طلعت بعمل حاجات من اللى بتزود التركيز بس ما كونتش اعرف انها تمرينات
كده من عند ربنا
هو حضرتك من الاسكندريه؟
اصلى بحبها جدااااااااااا

شمس النهار يقول...

الحمد لله علي نعمته عليا انا بعمل كذا حاجه في وقت واحد(الله اكبر)يعني التركيز عندي عالي الحمد لله
ومابنساش كلمه اقراها خالص
ولو تسألني عن حاجه حصلت احكيها بالظبط
بس سبحان الله بأنسي الاسائه ومابفتكرهاش
يمكن المسؤليه اللي شلتها عملت فيا كده مش عارفه
هو ربنا خلقني كده وبحمده واشكر فضله
تقدر تقول انا تعبت من كتر التركيز وعايزه حاجه تقلله شويه عشان اعرف اكبر دماغي وماركزش في كلام حد

norahaty يقول...

أفادك الله باشمهندس محمد
1-( تنفيذ الأمر أو الطلب أو المهمه بسرعه)صح ومضبوط واللى الواحد بيغلب يقوله.كان لى زميلة (اصغر كتير فى السن يعنى مش حكاية زهايمر ولا يحزنون!!!)كل مرة لازم تقفل على مفتاح درجها جوه المكتب!!يابنتى اول ما تفتحى حطى المفتاح فى الشنطة!ابدا وحياتك
لازم تقفل وترجع تكسر الدرج
وتجيب رزة وقفل جديد وتدور
على اللى يركبوهم لها و
وووووووووووووووودوخة
ورغاية انا معلش :)

norahaty يقول...

وعلى فكرة برضه انا الباشمهندسة
(شموسة النهار البرنسيسة )زى
الاستاذ عمرو ما علمنا نقول
انا كمان ما أعرف اعمل
حاجة واحدة فى وقت واحد
لألأ ممكن تلاقينى حاجتين
وتلاتة كمان والحمد
لله مفيش تلافيات:)
إلا اقل القليل
علشان ما اكون
كذابة لان برضه
(جّل من لا ينسى)

واحدة مفروسة يقول...

و الله عندك حق
فعلا احنا محتاجين نركز فى كل شيء
تحباتي

hager za3bal يقول...
أزال المؤلف هذا التعليق.
ماما أمولة يقول...

نعم التركيز ليس صعبا والتعود سوف تقوى الذاكرة

لقد مررت في فترة من عمري بعدم تركيز

سببت لي مشاكل كنت احتفظ باوراق مهمة وانسى مكانها تماما

واتعب لحين العثور عليها

ولكن بالارادة والحمد لله تغلبت على هذا العيب الذي اصابني

نصيحة جميلة

جزاك الله كل الخير

وفاء بركات يقول...

السلام عليكم
أزى حضرتك ياباشمهندس
ياترى كنت حقول آيه آيه..
أيوه إفتكرت .. أنا لوقت قريب كنت
بوصف بالكومبيوتر .. تدريجيا أنس كنت بقول أيه أو عاوزه أعمل أيه..
أبني الكبير جاب لي من صديقه الصيدلي
دواء بيقوى الذاكره كل يوم كنت أزعق لهم في البيت حد شاف البرشام المتشط للذاكره فما كان من ابني غير انه خد البرشام لصديقه وقاله حرام عليك ده محي ذاكرة أمي ..
ربنا يروق بالك ..

أسما عواد يقول...

يا رب تنفع طريقتك دي في ابعاد الزهايمر عني
المشكلة اني لازم اعمل كل يوم خمسين حاجة
وكل حاجة جواها تفاصيل كثيرة لدرجة اني حاسة ان العمر بيجري من غير مااعمل حاجة
تصور
من كثر الانشغال حاسة بعدم الانجاز
تحياتي

Nour يقول...

السلام عليكم..

موضوع يحتاح الى تركيز فى ظل الهموم التى تتلتهم ذاكرتنا
،وفى ظل عصر السرعة الصاروخية التى تتعدد فيها الافعال ويقل معها التركيز ..
لاقتران التركيز بالترتيب.. ولكن كل شىء قابل للتغير حتى القلب عضله قابله للتمرين ...

دمت بخير..

norahaty يقول...

السلام عليكم
عديت من هنا
وحبيت اسلم
على اللى هنا.
مرة تانية
السلام عليكم .

من غير عنـــوان يقول...

نورتي البوست يا نورا

Soul.o0o.Whisper يقول...

استاذى العزيز

فعلا التركيز مهم
و أنا من النوع اللى مابعرفش اركز فى حاجتين فى وقت واحد


و فعلا بانسى بشكل محرج ..اه والله
بس هأحاول اعمل اللى حضرتك قلت عليه

ربنا ييسر و نلاحظ الفرق
:)




دمت بود

غير معرف يقول...

When will you post again ? Been looking forward to this !

من غير عنـــوان يقول...

شكرا للجميع