الجمعة، 10 أبريل، 2009

التصرف وليس الشخص

* انتقد واكره التصرف من الشخص.. وليس الشخص نفسه .. يعني الشخص نفسه مالكش دعوة بيه.. قول انك مش عاجبك التصرف الغبي اللي عمله ..لأنك لو قلت انه غبي.. أصبحت شتيمة .. وممكن تنتقد تصرف شخص ما تجاه موقف معين .. إنما ده مش حيخليك تكره الشخص نفسه ..وهكذا..الموضوع ده حيخلينا نقبل ناس كتير في حياتنا ... ويبعدنا عن إثم النميمه والغيبه..وحيعلمنا نقبل الآخر.. لأنه ممكن الشخص يعمل تصرف يعجبك.. وتصرف آخر لا يعجبك.. ممكن تحبه لذاته.. لكن تكره تصرف معين بيعمله.. مش لازم اللي بتحبه تحب كل تصرفاته.. أكيد حتكون بتحب سبعين تمانين في الميه منها.. ماهو مش معقول تحبه وانت كاره تصرفاته كلها ولا تكرهه وانت حابب تصرفاته كلها.. وتأكد إنك عشان تعيش مع حد في شغل أو جواز أو صداقه.. لازم تفوت له شويه تصرفات.. بس أكيد كمان إنك حتفوّت الصغائر مش الكبائر .وتتعلم لما تنقده ... تنقد تصرفاته..وده كمان حيخلي اللي قدامنا يعاملنا كده..وبالتالي مش حنشتم حد ولا حد يشتمنا... وحنتعلم إن ممكن حد ينقدنا ونقبل ... زي ما إحنا ممكن كمان ننقد حد ويقبل.. موضوع مش سهل.. ودايما فيه حظر على لسانك إنك تبتدي تنتقد تصرفات الشخص مش الشخص... فيخلي نَفَسك أطول.. في العلاقات والـمعاملات ..حاجه كمان .. مهمه.. لـما حد يوجه نقد لتصرفاتنا ... نتعلم إزاي نفكر في كلامه... ياترى بجد ولا لأ.. صحيح ولا خطأ... نقدر نغيره.. ولا مستحيل.. وتأكد أن كثير من النقد من القريبين لك... سببه الحب.. بيحبوك.. ونفسهم تكون أحسن..افهم كلامهم... وغيّر من تصرفك.. على الأقل معاهم...

هناك 12 تعليقًا:

ماء تشرين يقول...

ياه بجد عندك حق اوى البوست ده انا حسه بكل كلمه فيه ودى حقيقه ليه ناس كتير في حياتى بحبهم وبكره بعض التصرفات الغبيه البيعملهوا رغم انها تفهه بس بتضيقنى على الرغم من انى بحبهم وبيبقه احساس غبي جوايه انى ازاى لسه بحبهم رغم تصرفاتهم دى


بوست جمسل ومدونتك حلوة اوى

تحياتى

mohamed ghalia يقول...

نعم انتقد كلامى ولا تنقد شخصى
دمت بكل الود أستاذى

شمس النهار يقول...

المفروض ان الانسان لاينقد غيره لافي تصرف والا شخصيه
لكن لما يكون الشخص ده من نسيج حياتي ازاي انا ممكن احب شخص واكره تصرفاته ماهو لوتصرف واحد ويعدي ماشي لكن لو كل التصرفات مكروه مني يبقا ازاي يعني احبه
اذا هو شخص مش لطيف زي تصرفاته ماهو لايمكن شخص لطيف يتصرف تصرفات غير لائقه يكون كده العيب في الشخصيه ويبقا مكروه تصرفات وشخصيه ومش هقدر افصل الاحساسين
عن بعض

عمرو يقول...

لا فض فوك يا صديقى الحكيم ..
يكره الاٍنسان لسوء تصرفاته و أقواله و ليس لشخصه و لكن لو تمادى فى تصرفاته السيئه بغير أن يتعلم أو يعى ما يقال له من نقد لكان متعمدا أن يسىء التصرف و هنا يصير مكروها لشخصه و ليس فقط لتصرفاته ..
دمت صديقا غاليا و لك منى التقدير ..

Soul.o0o.Whisper يقول...

أستاذى العزيز

بجد ربنا يبارك لحضرتك يارب
فعلا كدا

بالاسلوب دا هتلاقى دائرة تعاملك مع الناس شملت ناس كتير اوى

و دا أحسن علاج للفرقة اللى ما بينا الوقتى

دا حتى اللى على ديانة غير الديانة

انت بتكره منه كونه على ديانة تانية
انما كشخص مش بتكرهه

و بتعامله بالبر
و ان ماكنش يبئا بالقسط

فما بالنا بئا فالناس اللى حوالينا و أهلنا و قرايبنا

انما اللى بيزعل فعلا انهم لما يمسكوا عليك غلطة
و ممكن دا يؤدى لقطيعة كاملة

فعلا حاجة تزعل



دمت بكل ود استاذى

الايــــــــــام يقول...

السلام عليكم ورحمة الله وبركاته


طوبى لمن يهديني عيوبي بدون تجريحي ...

احيانا كتيره تصدر مننا تصرفات تضايق ناس مننا وهذا لا يعني اننا سيؤون ...وهنا انا شخصيا احي الانتقاد لتصرفي لا لشخصي ...


مدونه جد رائعه سيدي لما تحمله من مواضيع هادفه ومفيده

بارك الله بك وجزاك خيرا

تقبل زيارتي
وتقديري واحترامي

وكل الشكر والامتنان على زيارتك مدونتي المتواضعه واتمنى يدوم التواصل

موناليزا يقول...

كلامك مظبوط
والغريب ان مجال التعليم اصبح اغزر ومع ذلك ليس بالتعليم ولكنها بالحكمة
بالتوفيق دائما

candy يقول...

ياااااااااااااه
الفكر ده هو اللى ناقص المصريين بجد
الباهئيين يموتوا
والمعارضة تعتقل
والمسؤلين ربنا ياخدهم
!!!!!!!!!!!!!!
بنفكر فى الناس بشخصهم
أنا بحاول أكون موضوعية جدا
وأفكر نفسى كل شوية أن عمرى عمرى ماهلاقى حد زى بالظبط فى كل حاجة
لأن مافيش حد مثلا عنده نفس بصمتى
فلازم أقبل الأختلاف والتنوع مع الناس اللى بتعامل معاهم
تحياتى لحضرتك

norahaty يقول...

السلام عليكم ورحمة
الله تعالى وبركاته
كلامك صح وصحيح ومضبوط
بس تجيب منين ساعة الغضب
او الحب حتى العقل ده
ولاجل هذا يجب ان نتعلم عقل
اللسان بمعنى افكر قبل ما أقول
كلمة فربما كلمة واحدة تقتل
انسانا.

norahaty يقول...

وعلى ذكر الكلمة والعقل
لحضرتك عندى بالمدونة
هدية ارجو ان
تقبلها.
وسأكون لك شاكرة:)

وفاء بركات يقول...

والله يا باشمهندس محمد حضرتك مدرسه
في فن التعامل مع الأخرين .
عندك حق الكمال لله وحده قبل معيب علي الناس أشوف عيوبي والأسلوب اللي أحب يوجه لي لتغير هذا السلوك بدل مطول الوقت اقف لكل واحد علي الواحده
ده حتي الواحد يبقي خنقه ودمه تقيل
والكلمه الطيبه صدقه ..
ربنا يبارك في حضرتك..

assafo anaroze يقول...

من غير عنوان
مشكور على الزيارة
ولو انت عايز تعرف عن الموضوع يكفي تبحث في جوجل عن : احداث السبت الاسود بسيدي ايفني
مودتي