الأحد، 12 يوليو، 2009

لأني بأحبه أو بأحبها

سؤال

هل تعتقد إنه اللي بيحب شخص لازم يكون اختاره وأحبه من بين بقيه ال 80 مليون...
* نعم *لا

هل صح إن الواحد يعتقد إنه هو ده الوحيد اللي كان ممكن أحبه...
وماينفعش حد تاني خــــــالص...

* نعم *لا

أو بمعنى تالت: إحنا اتخلقنا لبعضنا...وإن ده توأم روحي ومش حيجي غيره
* نعم *لا

أو رابع: لو طلع إن اللي حبيته ده مثلا مرتبط ياترى أكمل؟؟
* نعم *لا

مش من نفس المستوى التعليمي أو الثقافي أو العلمي
* نعم *لا

بدون أصل أو مش متربي...( مش قصدي فقير ولا أهل بسيطه )

* نعم *لا

أو على غير ديني..
* نعم *لا


أو أخلاقه مرفوضه عموما.. أو متزمت جدا...

متزمت دي مش راجعه على الدين قصدي مبالغ في الفعل
* نعم *لا


هل مفروض أقول إنه خلاص هو ده وبس ومش حيجي غيره... لأني بأحبه أو بأحبها ؟؟؟؟
* نعم *لا

هل لرأي الأسره أهميه في إختيارك أم لا
* نعم *لا وطبعا لأي مدى

____________________
الكلام ده سواء لولد أو بنت

ولو سمحتم عايز رد صريح مقنع بعد تفكير وشكرا على وقتكم وأسيبكم شويه أجازه


أمنياتي

هناك 26 تعليقًا:

عاشقة الأحزان يقول...

السلام عليكم


حجز

اوووووول

تعليق

على السريع

عاشقة الأحزان يقول...

هل تعتقد إنه اللي بيحب شخص لازم يكون اختاره وأحبه من بين بقيه ال 80 مليون...
* نعم *لا


عن نفسى مش شرط احبه

هل صح إن الواحد يعتقد إنه هو ده الوحيد اللي كان ممكن أحبه...
وماينفعش حد تاني خــــــالص...
* نعم *لا

لاءء طبعآ غلط


أو بمعنى تالت: إحنا اتخلقنا لبعضنا...وإن ده توأم روحي ومش حيجي غيره
* نعم *لا

لالالا استحاله

أو رابع: لو طلع إن اللي حبيته ده مثلا مرتبط ياترى أكمل؟؟
* نعم *لا

مش ينفع لالالالالا

مش من نفس المستوى التعليمي أو الثقافي أو العلمي
* نعم لا

انا بالنسبه ليا مش شرط المستوى



بدون أصل أو مش متربي...( مش قصدي فقير ولا أهل بسيطه )

* نعم *لا
يهمنى عن نفسى يكون متربى ومش يهمنى غنى ولا فقير اهم حاجه اخلاقه


أو على غير ديني..
* نعم *لا

اعوذ بالله لاء طبعا

أو أخلاقه مرفوضه عموما.. أو متزمت جدا...
متزمت دي مش راجعه على الدين قصدي مبالغ في الفعل
* نعم *لا

لاء مافيش احسن من التواضع

هل مفروض أقول إنه خلاص هو ده وبس ومش حيجي غيره... لأني بأحبه أو بأحبها ؟؟؟؟
* نعم *لا

لالالالالالالالالالالالالالالالالا

هل لرأي الأسره أهميه في إختيارك أم لا
* نعم *لا وطبعا لأي مدى

انا عن نفسى بحب اشارك اهلى حتى لو انا بحب الشخص ده اقدر اقنعهم بمدى حبى واكيد هما طبعآ هيعملو ليا الصح

وبجد متشكرين قووى لحضرتم بوست فى السليم ومعبلا عن حياتنا وكل ما بنواجه

دمت فى حفظ الرحمن
ومنتظرين عودتك بالسلامه
فى رعاية الله وحفظه
انووووسه

أحــوال الهـوي يقول...

اعتقد ان لا هي الاجابه المتناهية لجميع الاسئلة عدا السؤال الاحير


احيي ذكاء الموضوع و عبقرية الاسئله

تحياتي

yara يقول...

انا من رايى ان اجابه كل الاسئله عندى لا.
ومفيش حاجه اسمها ان الانسان اللى حبيته مش هيجى غيره واحنا اتخلقنا لبعض وكده لان ربنا وحده اللى يعلم فين الخير والحب لو مكنش مدعم بانك تكون بتحترم عقليه وفكر من تحب ومقتنع به فيبقى حب ليس له اساس ونهايته هتكون الفشل فى رايى .
وطبعا لو اللى حبيته مرتبط مع انى مش عارفه اذاى مش هكون عارفه بس اكيد لا طبعا وباقى الاسئله لا برضوا.....

من الاخر انا شايفه ان الحب الحقيقى معنى سامى وجميل لا ياتى الا بالارتباط والاقتناع وان اى شىء غير بتكون مجرد احاسيس قد يخيل لنا انها حقيقيه وهى اوهام.

norahaty يقول...

السلام عليكم ورحمة
الله تعالى وبركاته
1-لأ :الحب فى رأيى
المتواضع: قــــدر
2-وقتها نعم يعتقد هذا
(لان الحب اعمى وأنانى كمان:)
3-امممممممم
نعم ولا وما تسأل
ازاى هووووه كده:)
4- لأ لأ لأ لأ لأ
...........
,اجازة سعيدة باذن الله ياباشمهندس
بس ياترى حتروح فين دىمصر كلها بتجى
عندكم اسكندرية للاجازة تقوم انت
تروح حتة تانية تأجز فيها :)
دعاية مضادة للسياحة دى:)

أبو كريم يقول...

انا شايف ان الحكايه متتحسبش باه او لا بس القصه كلها كيميا او رابط ما بيربط ما بين أتنين سموها كيميا او حب او عشره او إحترام بس لازم يكون فى اى رابط عشان ما ينفصلوش وخصوصا لو نتج عن الرابط الأول كائن محتاج ليهم مع بعض....ولو كان الحب من أجل الحب عمره ما هيدوم عشان كده اللغه العربيه الجميله سمته زواج أو إرتباط...

أبو كريم يقول...

انا شايف ان الحكايه متتحسبش باه او لا بس القصه كلها كيميا او رابط ما بيربط ما بين أتنين سموها كيميا او حب او عشره او إحترام بس لازم يكون فى اى رابط عشان ما ينفصلوش وخصوصا لو نتج عن الرابط الأول كائن محتاج ليهم مع بعض....ولو كان الحب من أجل الحب عمره ما هيدوم عشان كده اللغه العربيه الجميله سمته زواج أو إرتباط...

شمس النهار يقول...

اولا ده مش سؤال واحد ده ملف قضيه:)
وقضيه في غاية الاهميه كمان

بس ماينفعش نعم ولا ممكن اجاوب بغيرهم؟

1-لا مش لازم ماحدش بيختار هي بتيجي كده احداث بتحصل بتقود لده

2-ساعة استمرار العلاقه بيكون هو ده الشعور المسيطر طبعا
وساعات تنتهي العلاقه واحد الاطراف يلاقي نفسه فعلا مش عارف يحب حد تاني خالص وده انا بنفسي شفته في ناس حواليه كتير

3-موضوع احنا اتخلقنا لبعضنا ده لو فعلا في توافق نسبته عاليه جدا
لكن ماننكدش علي بعض ونكون مختلفين في كل حاجه ونقول كده

4-ده معناه انه حب من طرف واحد وانا شخصيا ضد الحب ده اصلا
لكن لو الاتنين بيحبوا بعض واحد الطرفين مرتبط او كلاهما طبعا مايكملوش خالص ولازم يفوقوا عشان مايجرحوش حد تاني
هيتعبوا شويه بس اعتقد اللي حواليهم يستهلوا التضحيه

5-الحب عشان ينجح لازم يكون المستوي التعليمي والثقافي والعلمي متساوي
وخصوصا بالنسبه للرجل مايكنش اقل من الست ولكن العكس ممكن بس مايكنش فرق شاسع
يكون معقول عشان يقدروا يتفاهموا ويكون في حوار
وياريت تكون المعتقدات الفكريه قريبه من بعضها

6-لا طبع لكن لو هما الاتنين كده ماشي :)

7-علي غير ديني دي برضه مرفوضه الا في بعض الحالات الاستثنائيه
يعني احد الطرفين كان ديانته مختلفه وغيرها قبل الارتباط مش بعد

8-موضوع التزمت ده بيتوقف علي الطرف الاخر
ممكن يكونوا هما الاتنين كده فابيمشي الحال لكن احد الطرفين مابيمشيش الحال خالص وبيبقا وجع قلب
وماحدش يقول هغيره ده مابيحصلش اصلا

9-اما موضوع هو ده وخلاص
مش فاهمه يعني اعذب نفسي واقول مش هيجي غيره
مين دخل في علم الغيب
اتعذب ليه مش يمكن ربنا شايل لي حاجه احسن
الا لو كانت اسره وماينفعش تتهد

10-رأي الاسره مهم جدا وخصوصا لما الموضوع يقلب لزواج
عشان مافيش حد بيتزوج لوحده اللي بيتزوج بيتزوج الشخص وماحوله بالأسره بالأصدقاء وحتي بالجيران
بس تكون الاسره موضوعيه وغالبا ده بيحصل

في النهايه الحب بين اي اتنين لازم يكون فيه توافق في كل شئ كل تفاصيل الحياه
حتي الاحاسيس لازم تكون علي موجه واحده
توافق وتناغم في كل شئ

يانهار ابيض الاجابه بوست في التعليقات
معلش ياباشمهندس
انت اللي قلت اجابه مقنعه صريحه:)

mohamed ghalia يقول...

هل تعتقد إنه اللي بيحب شخص لازم يكون اختاره وأحبه من بين بقيه ال 80 مليون..
لا
هل صح إن الواحد يعتقد إنه هو ده الوحيد اللي كان ممكن أحبه...
وماينفعش حد تاني خــــــالص...
لا
أو بمعنى تالت: إحنا اتخلقنا لبعضنا...وإن ده توأم روحي ومش حيجي غيره
لا
أو رابع: لو طلع إن اللي حبيته ده مثلا مرتبط ياترى أكمل؟؟
لا
مش من نفس المستوى التعليمي أو الثقافي أو العلمي
لا
بدون أصل أو مش متربي.
لا
أو على غير ديني..
لا
أو أخلاقه مرفوضه عموما.. أو متزمت جدا...
متزمت دي مش راجعه على الدين قصدي مبالغ في الفعل
لا
أو أخلاقه مرفوضه عموما.. أو متزمت جدا...
متزمت دي مش راجعه على الدين قصدي مبالغ في الفعل
لا
هل مفروض أقول إنه خلاص هو ده وبس ومش حيجي غيره... لأني بأحبه أو بأحبها ؟؟؟؟
نعم
هل لرأي الأسره أهميه في إختيارك أم لا
نعم

الجواز و سنينه يقول...

اولا اتمنى تكون بخير علشان انا ليه كتير مش كنت على النت و مش متابعه نهائى
ثانيا موضوع جميل و فى الجون و من النوع اللى بحبه كمان
احييك على اختياره
الرد جاى بقى


ــــــــــــــــــــــ

هل تعتقد إنه اللي بيحب شخص لازم يكون اختاره وأحبه من بين بقيه ال 80 مليون...
* نعم *لا
هو على حسب ما فهمت السؤال ان الشخص ده هو المطلوب من ال80 مليون
طيب و هو المفروض ان الواحد يلف على ال80 مليون؟؟؟
المفروض ان الشخص اللى حبيته متوافر فييه اغلب الحاجات اللى بحبها ممكن يكون غيره مناسب ليه اكتر بس انا حبيت ده بأرادتى فلازم احترم الاختيار و احاسيس اللى معايا و ما افكرش في ايه فى غيره كان نفسى فيه

ــــــــــــــــــــــــــــ
هل صح إن الواحد يعتقد إنه هو ده الوحيد اللي كان ممكن أحبه...
وماينفعش حد تاني خــــــالص...
* نعم *لا

ما ينفعش طبعا احب حد غيره دى تبقى خيانه ثقه على لاقل حتى لو مافيش ارتباط فمشاعر الناس مش لعبه و اللى مش هارضاه على نفسى مش هارضاه على غيرى
ـــــــــــــــــــــــــــــــــــ

أو بمعنى تالت: إحنا اتخلقنا لبعضنا...وإن ده توأم روحي ومش حيجي غيره
* نعم *لا

انا من ناحيتى مش هاييجى غيره بس لو هو فكر يجيب غيرى اكيد هاجيب غيره لانى مش هاكون معاه
ــــــــــــــــــــــــــــــ

أو رابع: لو طلع إن اللي حبيته ده مثلا مرتبط ياترى أكمل؟؟
* نعم *لا

ازاى احب حد مرتبط ؟ برضوا اللى مش ارضاه على نفسى مش ارضاه لغيرى
الحب اسهل حاجه تييجى و كمان تروح و سهل التحكم فيها بألهاء النفس عن من شغلت بيه لان الظروف لا تسمح بأقامه علاقه سويه
ــــــــــــــــــــــــــــــ

مش من نفس المستوى التعليمي أو الثقافي أو العلمي
* نعم *لا

لا و الف لالالالالالالالالا مسيرها تأثر لو مش دلوقت فأكيد بكره
ـــــــــــــــــــــــــــــــــ

بدون أصل أو مش متربي...( مش قصدي فقير ولا أهل بسيطه )

* نعم *لا

خد الاصيل و اتلف فى حرير الاصل مش معناه فلوس الاصل معناه الاصل
ـــــــــــــــــــــــــ

أو على غير ديني..
* نعم *لا

كلا البته لانها علاقه هايكون فيها مشاكل كتير و عايزه نفس و انا نفسى قصير ممكن تلائم غيرى لكن انا لاء
ــــــــــــــــــــــــــ

أو أخلاقه مرفوضه عموما.. أو متزمت جدا...
متزمت دي مش راجعه على الدين قصدي مبالغ في الفعل
* نعم *لا

لو الاتنين مش على نفس درجه التزمت اكيد التانى هايتخنق لانه مش ده تفكيره و حتى لو مليان مميرات هاييجى مره و يطفش و برضوا لاء

ـــــــــــــــــــــــــــــــــــ

هل مفروض أقول إنه خلاص هو ده وبس ومش حيجي غيره... لأني بأحبه أو بأحبها ؟؟؟؟
* نعم *لا

طبعا لانى ما استحملش انه يكون كل حياتى و هو بيفكر يا ترى يا هل ترى كنت هاموت
ــــــــــــــــــــــــــــ

هل لرأي الأسره أهميه في إختيارك أم لا
* نعم *لا وطبعا لأي مدى
طبعا مهم بس بالسبالى انا لو بحب حد مكن احاول حتى الاستماته لغايه ما يفافقوا بس هاكون عارفه انى انا اللى اصريت عليه و لازم اتحمل مسؤليه اختيارى
ــــــــــــــــــــ
خلص الكلام سلام

تسنيم حسين يقول...

السلام عليكم ورحمة الله وبركاته

سوف اجيب على الأسئله بايجاز وبدون اخلال...
اولا وقبل كل شئ الإنسان مخير وليس مسير... وفى النهايه من سيكون شريك او شريكة حياه هذا قدر ومقدر من عند الله تعالى عز وجل ومحدش يفهم من كلامى ان كلامى متناقض لكن الله قدر كل شئ وتركنا مخيرين وما سنختاره هو ماقدر لنا...
نيجى للأسئله:
1الحب قدر
2ممكن الواحد يعتقد هذ لأن الإنسان عقله وتفكيره محدود
3حكاية المستوى دى ممكن بس الأفضل ان الرجل يكون اعلى من المراه فى موضوع المستوى سواء مالى او علم او ثقافى او فى نفس المستوى اما فى المستوى الدينى فانا لا اقبل انه يكون اقل منى لازم اعلى او متساويين.
4لأ طبعا وزى مابيقولوا اللى مالوش خير فى اهله مالوش خير فى حد
5 لأ طبعا حرام من اساسه
6 لأ طبعا
7 لأ لن الواحد لازم يفكر
8 نعم لازم مشاركة الأهل دى حاجه ضروريه

وبالمناسبه ايجابة هذه الأسئله اذا واحد جه يتقدملى رسمى ولا اتكلم عن العلاقات المحرمه التى بمسمى الحبيه بين الولاد والبنات..

والسلام عليكم ورحمة الله وبركاته

عمرو يقول...

صباح الخير يا صديقى الحكيم :)
معلش على التأخير بس موسم زراعة الفاصوليا بقى واخد أغلب الوقت ..
يعنى البوست ده يا ريت كان موجود من 30 سنه علشان الواحد كا ن يقدر يعمل مقارنه ما بين اٍجاباته من 30 سنه و ما بين اٍجاباته دلوقتى و طبعا الفرق كان حيكون شاسع جدا جدا .. بس ماشى على بركة الله نبدأ بوست الاٍجابات عن أسئلتك الصعبه جدا و الله المستعان :)


هل تعتقد إنه اللي بيحب شخص لازم يكون اختاره وأحبه من بين بقيه ال 80 مليون...
* نعم *لا
- طبعا نعم .. لازم يكون كده .. و لازم الكيمياء و الذبذبات تكون متوافقه مع بعض تماما و اٍلا حتكون تجربه فاشله او على الأقل تجربه يشوبها شىء من النقص ..

هل صح إن الواحد يعتقد إنه هو ده الوحيد اللي كان ممكن أحبه...
وماينفعش حد تاني خــــــالص...
* نعم *لا
- طبعا نعم .. و اٍلا سيظل الشخص يبحث و لو حتى فى مخيلته عن الحبيب المناسب له فكريا و عاطفيا و اٍجتماعيا و سيظل فى حالة البحث دى طول عمره و لن يقتنع أبدا بحبيبه ..

أو بمعنى تالت: إحنا اتخلقنا لبعضنا...وإن ده توأم روحي ومش حيجي غيره
* نعم *لا
- طبعا نعم .. مينفعش حد يحب حد و يكون عنده و لو شبهة شك أنه حيقابل فى يوم من الأيام حد غيره يكون جدير به أكتر من حبيبه .. مينفعش ..

أو رابع: لو طلع إن اللي حبيته ده مثلا مرتبط ياترى أكمل؟؟
* نعم *لا
- لا مينفعش أكمل .. مينفعش أصلا أفكر فى حد مرتبط و اٍلا حأبقى زى كمال عبد الجواد صاحب المقوله الشهيره : الذين يحبون حقا لا يتزوجون !!

مش من نفس المستوى التعليمي أو الثقافي أو العلمي
* نعم لا
- نعم و لا !!
نعم لو حأقدر أتعايش معاه رغم الفروقات الجوهريه بينا مع العلم أن دى مخاطره و مقامره غير مأمونة العواقب ..
و طبعا هنا حضرتك مش بتتكلم عن الفروقات الماديه و لو اٍن برضو يحسب لها حساب لكن بتختلف من شخص لآخر ..

بدون أصل أو مش متربي...( مش قصدي فقير ولا أهل بسيطه )
* نعم *لا
- لا مينفعش ..
الأدب فضلوه عن العلم .. و زينة الرجال الأدب فما بالك بزينة الست ؟؟
و بعدين أنا لما بأختار زوجه و ده التطور الطبيعى لمرتبة الحبيبه فأنا الحقيقه بأختار أم لأولادى اللى حييجوا فى المستقبل فلازم أختار لهم أم متربيه و بنت ناس طيبين علشان ما يتبهدلوش بسببها ..

أو على غير ديني..
* نعم *لا
- و الله قدامى تجربتين : أعز صديق لى فى الحياه و هو سكندرى بالمناسبه .. والده تزوج من سيده مسيحيه و هو مسلم و شديد التدين و ظلت على دينها و أنجبت له ولدين هم الآن رجاله عواجيز زى حالاتى و شعرهم أبيض و سنانهم واقعه و عمرهم فى حياتهم لا صلوا ركعه و لا صاموا يوم واحد فى رمضان و متفهمش ليهم دين و لا عقيده ..
و التجربه التانيه لأبن خالتى تزوج من سيده مسيحيه و ظلت برضو على دينها و أنجبت له زوربة عيال و كأنها عاوزه تغلبه بالعيال زى ما هو غالبها بالمال .. أيه رأيك أنها علمته هو شخصيا يواظب على الصلاه فى أوقاتها و كذلك عيالها كلهم و بتحفظهم القرآن بنفسها و دايما تقول البنى آدم المتدين أحسن مليون مره من الفاسق بغض النظر عن دينه ..
آدى التجربتين نقتنع بمين فيهم ؟؟

أو أخلاقه مرفوضه عموما.. أو متزمت جدا...
متزمت دي مش راجعه على الدين قصدي مبالغ في الفعل
* نعم *لا
- للحب مقومات و أسباب ..
اٍيش ضنا فؤادى أحب واحده أخلاقها مرفوضه على أمل أن حالها ينصلح ؟؟
خلينا واقعيين ..
طبعا شىء جميل اٍن الواحد يحاول يصلح من أخلاق الناس و لكن فيه أساسيات فى الشخصيه صعب تغييرها و لا تزول اٍلا بطلوع الروح من الجسد .. ولو اٍنصلحت بشكل ما فبيكون بشكل مؤقت و قشره خارجيه تخفى تحتها الشخصيه الحقيقيه اللى لا يمكن طبعها يتغير ..
لا يا عم محمد أنا مش بأحب لا التزمت و لا التطرف باحب الاٍعتدال فى كل شىء زى ما حضرتك شفت كده :)

هل مفروض أقول إنه خلاص هو ده وبس ومش حيجي غيره... لأني بأحبه أو بأحبها ؟؟؟؟
* نعم *لا
- طبعا نعم و اٍلا حأفضل متطلع لواحده تانيه على أمل اٍنها تكون أحسن و ده مرفوض تماما تماما ..

هل لرأي الأسره أهميه في إختيارك أم لا
* نعم *لا وطبعا لأي مدى
- نعم .. و للمدى المعقول ..
يعنى برضو أحكم عقلى فى رأى الأسره ..
الله يرحمك يا أبويا كان دايما يقول لى شوف أم خطيبتك بتعامل حماك اٍزاى علشان بنتها حتعاملك كده بالظبط :)
و بعدين اللى بيتجوز مش بياخد العروسه لوحدها .. لأ .. ده بياخدها هى و أهلها و قرايبها و صحابها و يمكن جيرانها كمان ..
رأى الأسره مهم بس محتاج مراجعه من الشخص نفسه ..

بوست دسم أوى أوى يا صديقنا الحكيم و محتاج لاٍجابته كوبايتين نيسكافيه بلوازمهم من اللى وصى عليهم الحكيم لقمان ..
أجازه سعيده اٍن شاء الله و ترجع بألف سلامه ..

ماء تشرين يقول...

ج لا مش شرط ياعنى احيانا بنستغرب اننا بنحب الشخص ده وبنسأل نفسنا اشمعنا ده

ج نعم هو احنا فعلا بنعتقد ده بس لو انتهى الحب وحصلت مشاكل بنقول غير كده خالص

ج نفس الاجابه الفاتت

ج لا طبعا صعب اوى احب حد مرتبط مؤلم اوى الاحساس ده انك بتحب حد هو في دنيا تانيه

ج المستوسات دى مهمه لانتقال الحب للمراحل التانيه ياعنى لو عايزينو يستمر ويعيش لازم تكون قريبه مش شرط بيرفكت ياعنى بس قريبه

ج لا ياسيدى على الأصل دور مهو ده البيبقه لا مال ولا جمال ولا مستوى تعلمى ولا اجتماعى

ج لا يالهوى دين تانى صعب اوى عارف مش عشان بنت وحرام عندنا كمسلمين مش عارفه ازاى راجل ممكن يجوز حد من خلفيه دينيه تانيه صعب اوووى

ج لا طبعا


ج الاخلاق دى اهم حاجه

ج لا طبعا الحياه فيها كتير بس بنقول كده اقبل ماتنتهى الحكايه اما لو انتهت

ج مهم طبعا بس اكيد بحدود ومنساش خبرتهم في الحياه


بجد كويز جميل جدا

ABOALI يقول...

لا توجد اجابة محددة

فهنا الاجابات نسبية
ولن يكون هناك تعبير مطلق


هناك من سيتشبث ببصيص الامل
وهناك من سياءخذ الموضوع ميرى


يعنى هايقول ماينفعش خالص خالص


كل ما لا يتوافق مع الدين
هو ما يؤخذ على المطلق

اما الباقى فهو نسبى

فاءنا سهل ان اتعامل مع من عرفت قبلى انسان اخر ولم توفق معه

اما غيرى فيقول لالالالالالالالالالالالالا

والامثلة متنوعة


اشكرك على حسن الاختيار

موناليزا يقول...

مراية الحب عامية زى مابيقولوا واللى بيكون فى حالة حب بيتغاضى عن كل حاجة الناس شايفينها وحشة فيه
لكن بعد ماالحب ده بينتهى بيبدأ يتكلم بعقله ويكتشف ان الدنيا مابتقفش لحد

Sweet Violet يقول...

امممممممممم
اللى فهمته من الاسئلة انها عن حب من طرف واحد
مش اتنين مرتبطين
عموما هرد على اساس فهمى
اما لو فهمى غلط
ممكن حضرتك تصحح لى

الاجابة كلها لأ

ماعدا الاهل طبعا ليهم رأى و لكن كنصيحة مش فرض

اجازة سعيدة
^_^

elsha3er يقول...

السلام عليكم


انا برفض الجواب مش عشان انا مختلف ولا شايف دة عادى بس كل انسان وبتحطه ظروفه امام اختيار واحد فى كل سؤال وفى انسان الدنيا بتسبله حق الاختيار وانا لسة مش عارف حكون مين فيهم


تحياتى


احمد الشاعر

elsha3er يقول...

بعدين احنا اسكندرانية وممكن حضرتك تفهمنى


هههههههههههه


تحياتى

احمد الشاعر

حاجات جوايا يقول...

هل تعتقد إنه اللي بيحب شخص لازم يكون اختاره وأحبه من بين بقيه ال 80 مليون...
* نعم *لا

لا اعتقد على الاطلاق .. الحب مش اختيار .. الحب قضاء وقدر
--------------
هل صح إن الواحد يعتقد إنه هو ده الوحيد اللي كان ممكن أحبه...
وماينفعش حد تاني خــــــالص...
* نعم *لا

فى أوج الحب ينتاب المحب هذا الشعور رغم انه مش شرط يكون صح وممكن يكون فيه افضل منه كتير وانسب بشكل اكبر بس لسه مقابلوش
--------------
أو بمعنى تالت: إحنا اتخلقنا لبعضنا...وإن ده توأم روحي ومش حيجي غيره
* نعم *لا

حالات نادرة جدا اللى بتكون كده وغالبا بتنتهى نهاية مأساوية زى موت أحد الطرفين مثلا .. الحب الحقيقى لا يكتمل ابدا للنهاية فى الدنيا
------------------
أو رابع: لو طلع إن اللي حبيته ده مثلا مرتبط ياترى أكمل؟؟
* نعم *لا

مستحيل طبعا
-----------------
مش من نفس المستوى التعليمي أو الثقافي أو العلمي
* نعم *لا

المهم الخلق والدين
-----------------
بدون أصل أو مش متربي...( مش قصدي فقير ولا أهل بسيطه )

* نعم *لا

لا طبعا لا يمكن .. هتاخد ايه من قليل الاصل غير قلة الاصل
----------------
أو على غير ديني..
* نعم *لا

مستحيل طبعا
----------------
أو أخلاقه مرفوضه عموما.. أو متزمت جدا...
متزمت دي مش راجعه على الدين قصدي مبالغ في الفعل
* نعم *لا

التزمت غالبا بيكون مرجعه الى الجهل .. الدين وسطية واعتدال ..اما المتزمت فهو جاهل وافقه ضيق وسطحى لن يصلح فى الزواج
-----------------
هل مفروض أقول إنه خلاص هو ده وبس ومش حيجي غيره... لأني بأحبه أو بأحبها ؟؟؟؟
* نعم *لا

لا طبعا بييجى غيره .. ممكن افضل منه .. او اسوأ .. مش مشكلة .. لكن طالما راح يبقى مكانش نصيبى
-----------------
هل لرأي الأسره أهميه في إختيارك أم لا
* نعم *لا وطبعا لأي مدى

لراى الاسرة اهمية كبيرة جدا .. واهميتها تكمن فى الخبرة والنظرة المتعمقة لمعادن الناس والتنبؤ بمكنوناتهم وشخصياتهم

ممكن ما تصيبش فى كل الأحيان
لكن فى الغالب بتكون صائبة
والاختيار اولا واخيرا يرجع لاصحاب الشأن والله ولى التوفيق
----------------

يمكن لو جاوبت الاسئلة دى من 5 سنين كانت الاجابة هتختلف
لكن بعد زواجى اصبحت نظرتى للحياة والحب والزواج اكثر واقعية

خالص تحيتى وتقديرى أخى الفاضل

وفاء بركات يقول...

السلام عليكم
جيت أطمن علي حضرتك يارب تكون بخير
لك كتير منقطع عن زيارة مدونتي لعل المانع خير

كيــــــــــــارا يقول...

كله لا عدا السؤال الاخير

اسئله جامده

Dr Ibrahim يقول...

هناك عوامل كثيرة فى اختيار شريك الحياة

سواء أكان توافق مالى وأخلاقى وعلمى

وحسن الإختيار حتى لا تقع الفأس فى الرأس

فكم من أحبة تزوجوا وتم الإنفصال لأسباب كثيرة فليس شرطا أن يكون عن حب فقد تقوم العشرة بعد الزواج بدورها

وقد أمرنا ديننا الحنيف بطلب يد العروس من أهلها وليس منها شخصياً

وهذا رأييى أيضاً

تحياتى لك

dina يقول...

هل تعتقد إنه اللي بيحب شخص لازم يكون اختاره وأحبه من بين بقيه ال 80 مليون...
اه و الا ميبقاش بيحبه بجد

هل صح إن الواحد يعتقد إنه هو ده الوحيد اللي كان ممكن أحبه...
وماينفعش حد تاني خــــــالص...
اه

أو بمعنى تالت: إحنا اتخلقنا لبعضنا...وإن ده توأم روحي ومش حيجي غيره
انا من المؤمنين بفكرة توأم الروح دى...بس انا بردو مقتنعة ان فى كذا توأم روح...مش معنى ان مثلا لو فشلت قصة حب يبقى خلاص كدا...لا ممكن يكون اختارنا غلط او فهمنا فكرة توأم الروح دى غلط....هى بتعبر عن حالة تلاقى كدا مش بتخلى خسارة الشخص دا نهاية الدنيا يعنى

أو رابع: لو طلع إن اللي حبيته ده مثلا مرتبط ياترى أكمل؟؟
لا طبعاااااااااا

مش من نفس المستوى التعليمي أو الثقافي أو العلمي
ما هو دا بقى اللى بيقولوا عليه الحب المستحيل..مش كل اللى بيحب بيحب الحد المناسب....ساعتها الاستمرار فى الحب دا يبقى معناه فشل اكيد عملا بمبدأ(الحب و اشياء اخرى)

بدون أصل أو مش متربي...( مش قصدي فقير ولا أهل بسيطه )
مش فاهمة يعنى ايه بدون اصل ولا فاهمة احب واحد مش متربى لييييييييييييه

أو على غير ديني
استحالة الحب دا يكمل....بردو الحب المستحيل

أو أخلاقه مرفوضه عموما.. أو متزمت جدا...
لا

هل لرأي الأسره أهميه في إختيارك أم لا
طبعا
************************************
الاسئلة كلها حسستنى ان فى حاجة اسمها مشاعر و حب مش بايدينا و فى حاجة اسمها حب ناجح او فاشل و دا بفى دور عقلنا....انه يعمل الرقابة على القلب من البداية و يقول الموضوع ينفع ولا لأ عشان منوصلش لمرحلة الحب اللى من غير امل نتيجة اختلاف الثقافة او الدين او كل الامثلة دى

اقصوصه يقول...

ممكن الاستعانه بصديق؟

وفاء بركات يقول...

حضرتك فين .. لعلك بخير
تمنياتي لكم بالصحه والعافيه

من غير عنـــوان يقول...

عاشقة الأحزان
أحوال الهوى
yara
norahaty
أبو كريم
شمس النهار
محمد غاليه
الجواز وسنينه
تسنيم حسين
عمرو
ماء تشرين
أبوعلي
موناليزا
Sweet Violet
elsha3er
حاجات جوايا
وفاء بركات
كيــــارا
دكتور ابراهيم
دينا
اقصوصه

الحقيقه انكم أثريتم هذا البوست جميعا بالآراء الجميله والمتميزه... ووضحت للجميع أن الأختلاف في الرأي لا يفسد للود قضيه وكمان فيه شبه اجماع على مواضيع كتير

نورتم وشرفتم وأضفتم

افتقدتكم
بس شويه كده
عشان الشحن...

شكرا وألف شكر