الخميس، 11 مارس 2010

القطيع


* يعني إيه ماتمشيش ورا القطيع.. بنسمع الكلمه ده كتير..وأنا بأقولها لكل الشباب حولي.. بس الخوف إنها تتفهم غلط.. آه مش كل ما تشوف جماعة ماشيه تمشي وراها.. الأول لازم تعرف الجماعه دي ماشيه صح ولا لأ.. لو ماشيه صح مش عيب إمشي وراها.. بس كمان الصح بتاع الجماعه دي لازم يناسبني.. ويناسب ديني ومجتمعي وأهلي.. طيب ولو ماشيه غلط..لأ.. أفكر...أشوف..اسأل.. أحكم .. وأكيد إن كمان ساعات القطيع بيعطي قوه.. يعني لو غلط القطيع مقبول..وماله..أحسن من صحيح الشرود الـمتناهي الغربه.. وحيث أن الذئب لا يأكل إلا الغنم الشارده.. يبقى لازم أفكر مرات قبل ما أخرج بره المجموعه.. وطبعا مش كل الحاجات زي بعض.. يعني لو إن كل الناس بتشجع الأهلي .. وإنت عايز تشجع الزمالك.. دي مش مشكلة حد.. وماحدش يقدر يقولك إنت كده شردت عن القطيع.. إنما لو إنك قررت إنك ماتكملش دراستك وتقول ما هو كل الناس كملت الجامعه وقاعد عاطله.. حتندم يوم ما سبت كليتك.. وقررت تبقى شارد، مختلف آه .. بس خاسر(looser)الكلمة دي موجوده بره،بيستعملوها على من لم يحقق نجاحات.. صحيح ممكن يكون مختلف.. إنما فاشل،خاسر، منبوذ..كمان لازم أعرف إن ثقل القرارات محتاج مشوره وتأني..يعني أكيد إن لو عايز تدخل الكليه اللي بتناسبك على الرغم إنها كلية الزراعة وماحدش بيدخلها كتير.. وإنت جايب مجموع كبير..وماله.. تناقش مع من عنده خبره، وبعدين خد قرارك.إنما لو إنك شايف إن عشان المجموعه حاليا جوازتها فاشله ونسب الطلاق كتير.. فسيادتك تروح تتجوز واحده من اسرائيل مثلا.تبقى مصيبه.هو مش شططان والسلام.أخرج بره القطيع... بس بالعقل.

هناك 19 تعليقًا:

Unknown يقول...

حمدلله على السلامة
ياباشمهندس نورت
مصر وبلوجر تانى

Unknown يقول...

وكلامك مضبوط
مش كل (جمع)صــح
ومش كل(مفرد)خطأ:
يارب أكون وصلت للمعنى
المقصود.

candy يقول...

حمد الله على السلامة

أن الواحد يكون عنده حكمة وتمييز هى دى اهم حاجة

امتى يبقى تقليدى وامتى يبقى مبتكر

امتى يتبع التقاليد والقطبع

وامتى يبقى نفسه بس مايخسرش

وانهى خبرة اللى تناسبه طالما دايمل على جابين الطريق في خبرات فاشلة وفى نهر الطريق زحممممممممممة

بس فعلا انا مؤمنة انه لاخاب من استشار حتى لو ماعملش بالمشورة دى بعد كدة

Kiara يقول...

نوووووووووووووورت بلوووووجر من جديد

وجاي بموضوع جاد جدا ومفيد للشباب

اخبارك اية ؟؟

أحــوال الهـوي يقول...

و حشتني
بقوتك و حضورك المميز

و حشتني بموضوعاتك الهادفة و نصائحك الخبيرة

مهما قرات لك اشعر ان خبرتي في الحياة قليلة و ان هناك من تمرس فيها بحكمة و بلاغه

رجاءا لا تغيب فانت صاحب رسالة


تحياتي

موناليزا يقول...

ما خاب من استشار

أنا - الريس يقول...

احيانا بيكون القطيع ماشي غلط والموضوع عايز مخاطرة ـ، واحيانا الظروف بتجبرنا ناخذ قرارات مصيرية في حياتنا ، كل اللي اقدر اقوله حكم عقلك ..
تكرم علي التدوينة

وفاء بركات يقول...

السلام عليكم
كلام موزون كالعادة دائما يحمل حكمة
وموعظه حسنه .. ياما ناس كتير وقعت في الخطأ وجلبت لنفسها مشاكل لأنها مفكرتش قبل متنقاد وراءفكره ..
حما الله علي سلامة حضرتك واتمني زيارة مدونتي المتواضعة

Ebraheem Aadam يقول...

الأسهل نمشي تبع القطيع ,
لو ماشي صح يبقى هنوصل معاه ,
و لو ماشي غلط , ما حدش هيلومنا لما نقع في الآخر لأن الناس كلها هتقع معانا ,

أسما عواد يقول...

عندك حق يا باشمهندس
يمكن عشان كده بيقولوا ان الغنم الشاردة هيا اللي بتستدعي الذئب

بنت الغربة يقول...

كل سنه وحضرتك طيب
بجد كلام حضرتك كان واحشنى قوى
عيد سعيد
تحياتى

شمس النهار يقول...

ازيك يارب تكون بخير

كل سنه وحضرتك طيب

تحياتي

جلال كمال الجربانى يقول...

السلام عليكم

كلامك زين والله
بس عايزين نطمئن عليك ياباشمهندس

من غير عنـــوان يقول...

شكرا لواحد من العمال
أنا بخير الحمد لله
كل عام وأنتم بخير

Unknown يقول...

كل سنة وأنت طيب
ياباشمهندس محمد.

candy يقول...

يا بشنهدس ممكن تطمنا عليك ... حضرتك بقالك مدة طوييييييييييلة مش بتعمل بوستات ليه ؟؟

من غير عنـــوان يقول...

candy

أشكرك على السؤال
أنا بخير والحمد لله

عايزك تقري تاني آخر بوست القطيع

وتفكري فيما يحدث الان

على فكرة أنا موجود أكتر على الفيس بووك حاليا

الناس أكتر واذا كان في فايده تعم على الجميع
تحياتي

ممكن تشاركي على الجروب
http://www.facebook.com/home.php?sk=group_197392370277638&ap=1

وردة الجنة يقول...

كلام حضرتك مظبوط

واتمنى ان الجميع فعلا يفكر قبل ميعمل ويستشير اهل الخبرة ويسال كتيير

تحياتى لك وتقبل مرورى الاول

غير معرف يقول...

I’ve not too long ago started a weblog, the knowledge you present on this web site has helped me tremendously. Thank you for your entire time & work.