الأحد، 14 أغسطس 2011

* السُم في العسل.. وكل عام وأنتم بخير...


* السُم في العسل.. الإحتراس من الأفكار المسمومه ( والتي لن تكتشف سمها ببساطه ) بمعنى أنها عاده ما تكون أفكار جميله متقاربه مع أفكارك... مغلفه بما قد تحتاجه من أفكار مكمله.. سواء في الدين أو الحياه.. العمل أو الصداقه...الخ... تجد من يأتي إليك ويقص مايقصه.. ويدعك تفكر.. قد تجد في البداية اختلاف عنك أو عن تربيتك.. وبعد قليل وبعد ما يكون كلمك تاني من مدخل آخر ..تجد نفسك تقول .. والله صح.. أنا كمان ممكن أعمل كده.. اشمعنى فلان... أو تجد نفسك تجرب الفكره وتستحسنها... طيب وماله لما أسهر..أهي تجربه.. الشيشه من حتخسرني حاجه... طب وماله لما آكل في الشارع وأسيب أهلي...طب حيجرى إيه لو ماكملتش الجامعه.. ما أنا بأشتغل وأكسب وفي أوروبا كتير مش بيكملوا.. طيب وماله لما أعيش لوحدي زي الشباب في أمريكا... طيب وماله لما ...ولما ... ولما... عاده الكلام ده كله سم في عسل... ظاهره الرحمه وباطنه العذاب... حتقول ... لأ ... لأ .. ده أنا صاحي وعارف وفاهم.. وأنا بأقولك كان غيرك أشطر... وكتير من العظماء والـمفكرين انزلقوا في أفكار يساريه مثلا دون أن يدروا أنها الشيوعيه.. وكتير من المسلمين تركوا أصل الدين وتفرغوا لسفاسف الأمور .. وهكذا ... ودي ظاهره عالميه... وسواء ده كان عن طريق غسيل الـمخ أو عن طريق الزن على الودان اللي هو أقوى من السحر...فالنتيجه واحد... عايز أقولك دايما ارجع لكلام والديك في التربيه... ارجع لقوانين الحياه.. وتأكد أن كل ما تفقعله في الخفاء هو شر ... وما بمكن غمله أمام الجمبع فهو خير.. وماتقولش أصلي مش حأعمل كده أمام أبويا عشان هو دقه قديمه.. لأ ... ده غلط وغلط... لأنك خبيته..ودايما استشير من أكبر منك ويا سلام لو من أهلك وعايز مصلحتك...

هناك 4 تعليقات:

Dr Ibrahim يقول...

بارك الله فيك استاذنا الكريم..
فعلا كثير منا يذوق هذا السم الموجود فى العسل ويتنادى فى تناوله مما يصيب البعض بحالة اللاعودة للوضع الصحيح..
ونتمنى من الله أن يهدينا ويهدى شباب المسلمين لما فيه الخير والصلاح...
رمضان مبارك

Unknown يقول...

حمدلله على السلامة
وربنا يكفينا شر
الكلام المــعسول
ظاهرا المـسموم
باطناً :كل سنة
وحضرتك طيب

candy يقول...

يااااااااااااااااه

حمد الله على السلامة

بجد كنت قلقت على حضرتك

أكتر من سنة بين أخر تدوينة ودى ؟؟؟

عموما كل سنة وحضرتك طيب

وفعلا اللى حضرتك بتقوله دا أنا شخصيا وقعت فيه ... حد يقولك بس خليك معايا وكل شئ بالعقل ، ويبقى لبق جدا وكلامه يبهرك ، بس أول مايسيبك ألاقينى بقول إيه الهبل دا !!
وأزاى أنا أشتركت فى حوار زى دا ؟؟
وقلت الكلام دا ؟؟؟
أو سبت الكلام دا يتقال من غير ما اعترض عليه ؟؟
كل حاجة لازم يبقلها مرجعية فعلا ، وتتاخد بهدوء ونفكر فى الفكرة كذا مرة ونراجعها قبل مانعتنقها كعقيدة علشان بعد كدة مانرجعش نندم

شكرا لعودة حضرتك :))

dreem يقول...

سلامو عليكو
اعتقد ان اللى يمنع السم المغطى بالعسل التربية السليمة والوعى .
كل سنة وانت طيب