الجمعة، 2 يناير 2009

العطاء



* لو إديت حد حاجة من اللي عندك.. مش حتنقص.. بل يمكن تزيد.. بس بشرط تديها بحب وتديها ببشاشة ورضا.. وحتسعد واحد قريب منك من غير انت ما تخسر

A candle loses nothing by lighting another candle. ..
أصل ده دليل حبك للآخرين.. ودليل انك عارف ان الفلوس دي بتاعة ربنا.. وربنا أكرم مننا مليون مرة.. وحيرجع لنا اللي اديناه للناس بصوره أو بأخرى.. وأكيد أكتر كتير.. وخلي بالك ان اليد العليا خير من اليد السفلى، يعني اللي بيدي أحسن من اللي بياخد 'Takers' Lose and 'Givers' Win ،بس كمان لا تبطلوا صدقاتكم بالـمّــن والأذى .. ماتقعدش تقول لولادك أنا جبت كذا وجبت كذا.. ماتذلهمش..وكمان .. وذكّر فإن الذكرى تنفع المؤمنين .. يعني لو نسيوا فكرهم بالراحة.. الموضوع عايز موازنه.. زي ما كل حاجة عايزة وسطية.. وعلى فكرة العطاء مش لازم يكون مادي أو فلوس ده ممكن يكون كلمة طيبة أو أي شي غير ملموس، لمسه إيد على إيد حد بتحبه .. طبطبه على ظهر أمك.. كل ده عطاء .. وعطاء قوي كمان..وماتنتظرش حاجه قصاد اللي اديته.. ما تقوليش ما أنا طبخت لجوزي وهو ماجابش هديه.. أو تذليه قدام أصحابكم بإنك دايما بتوضبيله هدومه مثلا... أو سيادتك تقول ده أنا بأصرف قد كده عليها .. لو مش عايز تصرف بلاش... ولو صرفت.. إصرف بحب ...بود...بحنان.. يقول الحبيب المصطفى عليه أفضل الصلاه والسلام ( حتى اللقمه تطعمها في فم زوجتك صدقة).. يعني كله حتاخد ثوابه.. بس إنت ماتحسبش ورا ربنا.. وعلى فكره ده محتاج مصالحه مع النفس وحب لله وللآخرين ولنفسك.. لإن كله عايد عليك في الآخر...

هناك 21 تعليقًا:

Unknown يقول...

السلام عليكم ورحمة
الله تعالى وبركاته
اللهم افتح عليك يارب
ايوة حتى الاحسان او الصرف او الاعطاء ممكن يكون بأقل القليل ولو بكلمة طيبة اوبسمة فى وجه اخيك لكن
مش اعطى باليمين وأذل وأهين
وأمن بالشمال!! بعيد عنك
ساعتها اللقمة مابتتبلع !
وأن بُلعت ماتسريش ولا تمريش
على من أكلها .
عدم أعطائها
احسن فى رأيى.
وصباح الخير
وصباح الجمعة
خير يوم طلعت
فيه الشمس
من مشرقها

من غير عنـــوان يقول...

نورا
كل دعواتي في اليوم الجميل لك

غير معرف يقول...

الله عليك بجد
بوست جميل اوي يستاهل انه يكون اول بوست فبي السنه الجديده :)

فعلا
الله علي العطاء
حاجه جميله اوي
واكيد ربنا بيجازينا خير عليها
دا غير ان الواحد بيحس بسلام نفسي رهيب ساعتها
بس زي مانت قلت
اهم حاجه يكون بحب ورضا

دمت بكل خير وود

وكوووووووول سنه وانت طيب

تحياتي

شمس النهار يقول...

العطاء ده هبه من الله ونعمه بيمنحها لعبيده
الانسان المعطاء بحق عمره مابيفكر حد باللي عمله عشانه عشان بيكون هو اصلا نسي هو اعطا ايه عشان هو ربنا خلقه كده بالفطره معطاء
لكن المعطاء المنافق هو ده اللي بيمن وهو ده اللي ربنا نبه انه مايمنحش صدقه ويتبعهابالمن والاذي
مش عارفه يعني ايه ام تعاير عيالها وجوزها انها بتعملهم الواجب اللي عليها اصلا
وكمان الاب اللي بيعمل نفس القصه
والا الابناء اللي بيمنوا علي والديهم المسنين انهم بيزروهم وبيسألوا عليهم
والله ياباشمهندس محمد مش عارفه اقولك ايه سلوك الناس اتغير خالص
ده كمان تقعد مع الناس تسمع احلا كلام عن الاخلاق
تيجي تشوف تصرفاتهم تلاقيها حاجه تانيه خالص
المهم
انا معاك في كل كلمه قلتها عن العطاء
ربنا يكرمك وتكون السنه الجديده خير عليك وعلي كل اللي حواليك

من غير عنـــوان يقول...

* هاجر

شكرا على التعليق الرقيق

أمنياتي

من غير عنـــوان يقول...

** شمس النهار

فعلا الناس دلوقت بتقول حاجه وبتتصرف حاجة تانية

أمنياتي
وسنه جميله عليك وعلى من تحبين

موناليزا يقول...

سلمت يداك وبورك قلمك
وربنا يسلمك من كل شر

وفاء بركات يقول...

أجمل حاجه في الدنيا إن الإنسان يعطي مرضاتا لوجه الله تعالي دون النظر للمقابل من الأخذ.. لإن اللي عند الله باقي ..
جزاك الله خير.تحياتي

عمرو يقول...

الله عليك يا صديقى الحكيم
أحيانا أشعر اٍنك مثالى و خاصة لما بتقرن أقوالك بأفعالك
جزاك الله عننا خير و أسعد بك من تحب
تقبل تحياتى

حروف يقول...

بجدبجد بوست جميل جدا جدا رائع ومدونة جميلة انا شدني العنوان بتاع المدونةبسلقيتمدونة رائعةربنا يكرمك وكل سنةوانت طيب

فشكووول يقول...

على فكره يا من غير عنوان .. ازيك الاول
العطاء هبة من الله يعطيها لبعض الناس ويا سلام لو العطاء فى السر حتى لا تعلم شمالك ما قدمته يمينك .. كان العطاء المعنوى .. كمان العطاء النفسى .. العطاء صفة ساميه من صفات الانسان .. ولو الانسان اعطى كل شيئ حقه ما كانت هناك مشكله ولو راعى الله فى عطائه ايضا ما كانت هناك مشكله .. تحياتى

Muslima يقول...

الله الله بجد
كلام حضرتك اكثر من رائع ياريت بجد كلنا نعمل بيه ومننساش الحكمة دى بالاخص
الواحد يدى بحب مش يدى عشان ياخد

دمت بكل خير

lonely يقول...

العطاء بلا انتظار لمقابل
معنى رائع لا يفهمه الكثيرون
تعجز كلماتى ان تعبر يكفى ما قرئته ففيه كل ما اردت قوله
تحياتى

فشكووول يقول...

من غير عنوان .. تحياتى
هو فيه حد بيشبع من اللحمه .. انت ما قرتيش فى الوضع الكامل بتاعى ان بحب اقرأ التاريخ وبحب كمان اللحمه .. ربنا يخليك ويسمع دعوتك ويدينى ويديك الصحه وناكل انا وانت لحمه كتيييييير
تحياتى

Unknown يقول...

لا ازااااااااااااااى دة احنا بنحسبها مع ربنا جامد اوى اوى يعنى... حلوة اوى جدا خالص المدونة دى بجد بجد يعنى حلوة

mahasen saber يقول...

كل موضوعات المدونه قيمه وبستمتع بالبوستات وانا بقراها كلها وبحس بفايده عقليه ونفسيه ومتعه روحيه جميله

بجد تفكير حضرتك راقى جدا

والنصيحه الجميله والقيمه اليى فى كل بوست نوع من انواع الصدقه برضه اعتقد صدقه عن الفكر الراقى والتفكير السليم
ونوع من انواع حمد ربنا عن العقل السليم

دمت فى افضل حال حضرتك وكل من تحب

من غير عنـــوان يقول...

mahasen saber**

صباح جميل لك
أخجلتم تواضعنا

أمنياتي

بنت الغربة يقول...

الله يكرمك
كلامك ده بصراحه عامل زى البلسم
صدقنى الكلمة الطيبه عندى احسن من الف هديه
بس المشكله الناس بتستخسر حتى تضحك فى وش بعض
ربنا يهدى الجميع
تحياتى

الوردة البيضا يقول...

السلام عليكم يا باشمهندس محمد
انقطعت عني كالعادة فجئت أسأل عنك، عسى أن تكون في خير حال
اعجبني جدا موضوع البوست. تسلم ايدك
وكل سنة وانت طيب بمناسبة عاشوراء
تحياتي

Mafrousa يقول...

الله حلو البوست ده كمان
تحياتي

EmO يقول...

كلام جميل و بصراحة انا قرأته متأخر بس في وقته ( بالنسبة لي ) شكراً كتير ...