الجمعة، 30 يناير، 2009

حاجات وحاجات



من أكتر الحاجات المفيده في الدنيا
النوم بدري والصحيان بدري
رضا الوالدين
المحافظه على حب الناس
الصلاة في أوقاتها
الكلمة الطيبة الحلوة
الصدق
اداء الواجب
مصالحة النفس وإحترام الذات
المحافظه على الأصدقاء
شرب الـمياه الطبيعيه

ومن أكتر الحاجات الضاره في الدنيا
عدم تناول الإفطار
الأكل الكتير
التدخين
إستهلاك السُكّرِ العاليِ
تلوث الهواء
السهر و الحرمان من النومِ
الكدب
أن تفكر أثناء مرضك
الإفتِقار إلى تَحفيز الأفكارِ
قلة التحدث أو الفضفضه


هناك 28 تعليقًا:

ماما أمولة يقول...

تمام كل الحاجات صح وتمام

تسلم ايدك

mohamed ghalia يقول...

النوم بدري والصحيان بدري
رضا الوالدين
المحافظه على حب الناس
الصلاة في أوقاتها
الكلمة الطيبة الحلوة
الصدق
اداء الواجب
مصالحة النفس وإحترام الذات
المحافظه على الأصدقاء
كلمات قليلة تحمل الكثير
سلم لك قلمك
دمت بكل الود

أحــوال الهـوي يقول...

كل ما تفضلت بقوله اسرار معروفه اوافقك عليهاالراي فيها تماما

تحياتي

fashkool يقول...

اكتر الحاجات المفيده فى الدنيا انا باعملها
بس المشكله ان برضه اكتر الحاجات المضره برضه بعملها فيما عدا الكدب
تحياتى

Dr Ibrahim يقول...

فعلا النوم بدرى والصحيان بدرى دامفيد جدا بالنسبة للجسم والصحة وكل حاجة
ورضا الوالدين والصلاة في أوقاتها
والكلمة الطيبة صدقة
والصدق وعدم الكذب
اداء الواجب المفروض علينا لان احنا خلقنا لنعمل ماعلينا ونؤديه بإتقان
وإحترام الذات بإحترام الاخرين
والمحافظه على الأصدقاء الاتقياء الصالحين

وكل دا بيأمرنا به الإسلام من منبع اهداف الحياة او الطريق الى غاية وهى الحياة التى تؤدى الى آخرة طيبة

والحاجت التانية ربنا يحفظنا منها يارب

تحياتى

مدينـة من النسـاء يقول...

كلام دافي أوي وبيطبطب علينا
بيفكرنا بصوت نسيناه من زمان
لفته جميله منك

أخلص تحياتـي ..

حنان الشافعي يقول...

كلام صحيح جدا ومفيد

بساطه مقنعه دافئه
دمت بكل ود

شمس النهار يقول...

أن تفكر أثناء مرضك
مش فهماها خالص
وبعدين البوست ده اتشال منه حاجات واتضاف له حاجات
صح

وفاء بركات يقول...

السلام عليكم
كلام جميل وكلام معقول بس الناس مش واخده بالها منه
تشكر علي التذكير
تحياتي

غريب يبحث يقول...

طب إللي غصب عنه ميقدرش يعمل الحاجات ده يعمل إيه، زي مثلا:
إللي يشتغل طول الليل من 12 إلى 8 صباحا وخد عندك هيعمل معظم الحاجات الغلط ومش هيعمل معظم الحاجات الصح بالتبعيه مفيش فطار ميش نوم بدري مفيش صلاة في مواعدها مش بيشوف والديه مش بيشرب ومش بياكل زي الناس الطبيعيه....وهو ظروف شغله كدا ومش بمزاجه يعمل إيه...

من غير عنـــوان يقول...

**العزيزة شمس
من المفروض ألا يفكر المريض .. يعني يريح دماغه.. عشان ده بيتعبه أكتر.. زي اللي عنده برد يقولوا ...نــــام...


أما حكاية ان البوست ده اتشا منه وانضاف اليه حاجات... أظن الكلام ده صح... أولا أطن لأني كتبته من سنتين... ثانيا .. لأنك فكرتيني بأن ده كان مجموهة نصائح بالأنجليزية وأنا مصرتها

أمنياتي

من غير عنـــوان يقول...

** خالد.. غريب يبحث...

طبعا.. فمن اضظر غير باغ ولا عاد..
وأنا عارف ان طبيعة شغلك فيها ورديات.. بس دي فترة وحتعدي ان شاء الله...

تحياتي

شمس النهار يقول...

اللي اقصده ان البوست ده اول يوم انا قريته وماعلقتش عشان ماكنتش فاضيه
ومن مواهبي المتعدده ان مابنساش كلمه اقراها
وكان في كلام تاني وحضرتك شيلته
خير شيلته ليه

من غير عنـــوان يقول...

** شمس العزيزة
بصراحة... أنا مش فاكر ان انا حطيت بوست وشيلته... بس عموما حصل خير...

أمنياتي

شمس النهار يقول...

هو زي ماحضرتك قلت كده حصل خير
يمكن ماخدتش بال
عموما البوست كده لطيف
وكله حكم
ممكن تكون بسيطه ومعروفه بس بننساها في زحام الحياه
بس موضوع النوم بدري ده صعب لكن الصحيان بدري دي سهل
بس ايه موضوع شرب المياه الطبيعيه ده
تفتكر انه متاح للجميع
انا مركبه فلتر وخلاص
وموضوع الفطار ده موضوع صعب جدا

mahasen saber يقول...

طب الاساسيات دى لو التزمنا بيها
هتبقى الدنيا حلوه
وريشه فى هوا كمان

اسفه على الغيبه

من غير عنـــوان يقول...

صباح النور على الشمس المنورة

النوم بدري ده عشان نسمع كلام ربنا.. والخواجه الدكتور الفرنساوي قال.. ان ساعة الليل نوم لا تعوض بساعتين في النهار.. لأن الجسم بيفرز هلاومنات أثناء الليل خاصة بالراحة.. المهم... نحاول..
زمان يا شمس وأنا طالب في قسم عمارة كنت باسهر وفرحان بالسهر.. وكنت بأحب الليل واسمع ثومة ست الكل.. وكأن الليل ليس له نظير.. المهم دلوقت بقيت بأحب أنام بدري وأصحى بدري.. ولقيت في الشروق ما لم ألقاه في غيره... أصل هو ده البداية...

أما الفطار فأمامك حكمتين:
تناول إفطار الأمير.. وغذاء الوزير وعشاء الفقير...
أو
تناول أفطارك كله.. وتقاسم غذائك مع صديقك.. وإعط عشاؤك لعدوك..

جربي....

مع خالص أصدق الأمنيات

من غير عنـــوان يقول...

* محاسن...
ده بس للوقاية من شرور الدنيا

صباح جميل عليك

حروف (دلو مرة ثانية وجرح ثاني سابقا) يقول...

شوية نصائح ببساطة حقيقة موجودة لو عملناها حنستفيد كتير
دمت بالف خير

الجواز و سنينه يقول...

من اكتر الحاجات المفيده كمان
قرايه مدونه من غير عنوان
لانها بتديك طاقه ايجابيه ممتازه و فيها صفاء و هدوء من عند الله عز و جل
ادام الله عليك هذا الصفاء تحياتى و احترامى
اه انا مش بحب اشرب ميه مع الاسف و كمان بحب السكريات اوى بس الحمد لله مش بدخن و لا بكدب و ساعات بفضفض

من غير عنـــوان يقول...

** جواز وانجوزنا أو الجواز وسنينه


شكرا على الكلمات الطيبة

تحياتي

اقصوصه يقول...

تدوينه جميله

انا معاج باللي قلتيه

تقبلي مروري:)

norahaty يقول...

السلام عليكم ورحمة
الله تعالى وبركاته
ربنا أمر بالستر
حأقولك جبت كام
فى كل حاجة ...ماشى ؟
**(من أكتر الحاجات المفيده
في الدنيا)بصراحة6من عشرة
بمعنى ان سته اشياء من أصل
عشرة مفيدة بالدنيا انا
افعلها والحمد لله:)
**(ومن أكتر الحاجات الضاره
في الدنيا)بصراحةبرضه 5من 10
بمعنى انى افعل خمسة اشياء ضارة
وربنا يرحمنا ويستر بقى :(

norahaty يقول...

اسمح لى أسأل ياباشمهندس
الافكار الجميلة دى من
خبرة السنين والايام؟
ولا هواء الاسكندرية
الجميل وان حمل بعض
الاعاصير والنّوات
تحياتى واحتراماتى
لحضرتك ولتدويناتك.

من غير عنـــوان يقول...

** العزيزة الصديقة نورا...

أولا الحمد لله انك كسبانع.. يعني واخده 6 من 10 في الحلو و 5 من 10 في الوحش...
عندي طلب.. عايزك تاخدي 4 من 10 في الوحش.. بس كده...

ثانيا: شكرا على كلامك عن المدونة المتواضعه.. أولا الفضل كل الفضل لربنا سبحانه وتعالى في هذا المن ..
ثانيا كلام والدي رحمه الله.. نشأتي في عده أقاليم من مصر فتعلمت قبول الآخر وتكوين الصداقات.. والقراءه.. تفتيح الحواس واستعمالها في الملاحظة والتلقي...

شكرا كل الشكر على المديح الرقيق.. خاصة من إنسانه جميله القلب مثلك...
أمنياتي

norahaty يقول...

السلام عليكم ورحمة
الله تعالى وبركاته
*اولا واخرا
الشكر لله سبحانه
وتعالى يابشمهندس
*ثانيا
الشكر للوالد رحمة الله عليه
ان أنشأ وربى ولد صالح يذكر فضله
*وثالثا
الشكر لحضرتك ان
اتحت لنا معرفة مثل هذه الخبرات
*ورابعاً
احاااااااااااااااااااااااول

إنسانة يقول...

المحافظه على حب الناس
الكلمة الطيبة الحلوة
مصالحة النفس وإحترام الذات


الحلو إنه مختصر و مفيد جدا
دمت بود

EmO يقول...

فعلا قلة الفضفضة تسبب ضيق الصدر و قلة الذكاء و الانتباه ، و مع كل كلمة ترسل في الفضفضة يصل شعور الي الشخص و كأنه يزيح حجراً ثقيلاً عن صدره،BigBanna انت دايماً بتفكرني باهمية حاجات بكون معتقد انها مش مهمة مع انها مهمة جدا.....