الأربعاء، 7 يناير 2009

بالراحة

* لا يكلف الله نفسا إلا وسعها.. والأرض ماعليهاش ملائكه.. يعني ما تحمّلش نفسك أكتر من طاقتها.. انت ممكن تغلط وكمان ممكن تصلح غلطك .. بس لازم تتعلم من الأخطاء السابقة ، سواء انت اللي عملتها أو غيرك.. والغلط مردود.. سواء بتصليحه.. أو اجتنابه الـمره القادمة..وكل ما تبتدي بالراحة وتزود.. أحسن كتير من انك تشيل الجبل فوق دماغك.. أي جبل..ولا تجلد نفسك ( أي تكون جلادا لذاتك وتنقدها لدرجة الكآبه) وانت مش ملاك .. انت بني آدم.. وكل بن آدم خطاء. وخير الخطائين .. التوابين.. يعني استغفر ربنا لو عملت حاجة غلط .. مش معنى ده إني أديها غلط طول النهار وبعدين بالليل قبل ما أنام أقعد أستغفر .. كمان انت مش ملاك.. ولا اللي قدامك .. انت بتغلط وهو بيغلط .. سامحه ..يا أخي سامحه.. عشان ربنا يسامحك.. وكمان مثلا ما نشبطش في لبس غالي مش في قدرة أهلنا.. ماينفعش نحملهم أكتر من طاقتهم.. ما نطلبش من ماما كل يوم أكله صعبة... هي بتتعب برضه..وده كمان ينطبق على إنك تجهد نفسك بالسهر مثلا. عشان عندك شغل.. أو مذاكرة.. طاقتك مش حتستوعب بعد فتره معينه... ولا إنك تتطبخي حاجة صعبه عليك... نبتدي دايما باللي نقدر عليه... وكله حايجي بالتعلم والصبر... ما نشلش حاجة تقيله ونقول آه يا ضهري..ما نجريش جامد ونفسنا يتقطع... ما نجوعش لغاية ما نصوّصوّ... وهكذا... القصد إنك تكون وسطي وتعرف حدود نفسك وتتبعها... تتصالح معاها.. ومع اللي حواليك.. وبالـمناسبة العربية والكومبيوتر والغساله وكل الـماكينات هما كمان لهم طاقه.. ومش لازم تضغط عليهم أثناء تشغيلهم..فيبقى إنت كمان لك حدود وإمكانيات ماتدوسش عليها..

هناك 23 تعليقًا:

Dr. Ibrahim يقول...

فعلا المفروض يتعلم من أخطاءه ويحاول يتجنبها ويصححها

والمفروض ان احنا منحملش نفسنا اكثر من طاقتها

تحياتى لك

عاشقه وغلبانه يقول...

بصراحه اجمل نقاط في مسامحه الذات ومحاوله التعلم من الاخطاء واليقين بان كل بني ادام خطاء
كلامك موزون وجميل

جلال كمال الجربانى يقول...

الحياه كلها خبرات
أهم شىء نتعلم من أخطائنا

مع خالص تحياتى

أحــوال الهـوي يقول...

استاذنا الفاضل

و كأنك تركت الدنيا لتكلمني في النصف الاول من مقالك
فاصابك حديثك الصميم
اصلح الله لك امرك و ذادك من العلم و الحكمة كم ربت علي كتفي و هنهنت لهاث نفسي

تحياتي

mostafa rayan يقول...

صح كلامك فعلا

غير معرف يقول...

قد قمت بأضافتكم ضمن قائمتى للمدونات الصديقه حتى أتمكن من متابعه تدويناتكم بسرعه وبسهوله أنا ومتابعينى أيضاً
لأننى لن أستطيع الغياب
وهذا بعد أذنكم طبعاً

ودمتم بخير

من غير عنـــوان يقول...

** واحد من العمال

الشرف لنا يا صديقي

تحياتي

Mafrousa يقول...

السلام عليكم
انا جيت ارد الزيارة
عجبنى البوست ده اوي
فعلا كل بنى آدم خطاء و خير الخطاءين التوابين
تحياتي

رؤية يقول...

مصطلح جلد الذات دا دايما بيتقالى كتيييير

بس الفكرة ان كل انسان عاوز يحقق الاشياء القائم عليها بشكل مرضى ولائق والا سنقع تحت طائلة التواكل والكسل

لا ادرى...كلامك صحيح
لكن يصعب على البعض تطبيقه
وانا من بينهم..!!

تحياتى لك

شمس النهار يقول...

لو كل واحد فينا قرا نهاية سورة البقرة هيلاقي ان ربنا قال لنا الحل فيها
بس ده مايمنعش ان احنا نحايب نفسنا وهي النفس اللوامه بس برضه بالمعقول الوسطيه حلوه
كمان جهاد النفس ان مانغلطش اصلا
مش كل اللي انا عايزه اعمله خطاء والا صح لأ لازم يكون في ميزان احراب نفسي عشان اعمل الصح
وكمان مش عيب ان الواحد يغلط(بس مش اي غلط)العيب انه يستمر في الغلط ومايحاولش يصلحه او يصلح من نفسه
تلاقي ناس كتير عارفه عيوبها طيب صلح يقول لك مش عارف ربنا عايز كده استغفر الله العظيم ربنا مابيرضاش بالغلط
وبعدين حضرتك دوست علي زرار التسامح
الناس مابقاش عندها استعداد تسامح
مع ان ربنا قال(الاتحبون ان يغفر لكم)

فارس القمر يقول...

السلام عليكم

المفروض اننا نتعلم من اى غلط بنوقع فيه علشان مايتكررش تانى

من غير عنـــوان يقول...

** رؤية....
مش صعب تحقيقه..
إنت يتقولي ( بشكل مرضى ولائق ).. وماقولتيش ( بشكل كامل)... الإتقان حلو... لكن الكمال لله وحده....
لو كان في ملايكة على الأرض ( ملايكه هنا يعني ناس مش بتغلط)...ماكانش ربنا أرسل إلينا بشر ا رسولا وهو الحبيب المصطفى عيه الصلاة والسلام ....
بأقول لو كل واحد يعتقد إنه ما ينفعش يغلط.. يبقى غلطان..

أمنياتي

من غير عنـــوان يقول...

** شمس النهار

دائما كلامك واضح
زي الشمس


أمنياتي

وفاء بركات يقول...

الكلام الجميل ده ملهوش غير تعليق واحد الله يفتح عليك
تحياتي

الجواز و سنينه يقول...

و الله يا باشمهندس انت بتدينى امل ان لسه فيه ناس كويسه و عندهم قيم جمليه
فيه ناس بجد كنت احب اقابله منهم الاستاذ بيرم المصرى و حضرتك
و رغم انى مش من الناس اللى بيتقابلو مع بعض و كده
بس انتوا الاثنين اكنلكم من الاحترام ما يجعلنى اتمنى انى كنت قريبه منكم حتى استفيد بأخلاق الفرسان

من غير عنـــوان يقول...

** وفاء بركات
** الجواز وسنينه

شكرا للكلمات الرقيقة

أمنياتي

arsenalwy يقول...

حلو الكلام

لكن هل من منصت؟؟؟

بوست جيد

عمرو يقول...

بارك الله فيك يا أخى محمد
تصدق أنى عملت فولدر باٍسمك عندى و حطيت فيه كل بوستاتك اللى فيها نصايح سلسه و محببه للقلب و بأرجع لها كلما شعرت بحاجتى لتأديب النفس
أشكرك يا صديقى و أستمر

Desert cat يقول...

كلماتك صحيحه فعلا
شكرا على النصيحة

من غير عنـــوان يقول...

** عمرو العزيز
أحلى حاجه قريتها النهارده\\ززز

كلماتك

اديتني أمــــل

كبيرررررررررررررررررر

ربنا يوفقك ودائما إلى تقدم

خالص التحيه

mahasen saber يقول...

الانسان بيعيش ويتعلم من اخطاءه
وده الانسان العاقل
وده الطبيعى انما اليى غير كده ده اليى مش طبيعى

ربنا يجعلنا دايما من النوع اليى بيتعلم من اخطائه

Beram ElMasry يقول...

من غير عنـــوان
صباح الخير
هذا هو التعقل فعلا ، اعرف عدوك اولا ثم عد العدة المناسبة وحارب لتنتصر بقوة ايمانك ، لا مكان للاندفاع والتهور ، بل الحساب الدقيق
خالص تحياتى

م/ الحسيني لزومي يقول...

لا تستطيع ان تجاهد
لاتستطيع ان تتظاهر
لا تستطيع ان تتبرع بالمال
اذن قاطع وادعو غيرك للمقاطعه
منتجات كل من يدعم العدو
**** هل تعلم أن:-
1- شركه ستار بوكس(للكافيهات والقهوة) تدعم العدو ب 2 مليار سنويا من ارباحها
2- شركة فليب موريس (مارلبورو & مريت ) تدعم العدو وتدفع بصفة يومية ما مقدارة 12% من ارباحها.وعليه فإن مدخني العالم الإسلامي فقط يدفعون كل صباح 12 مليون دولار اي ما قيمته طائرة اف-16 كل اربعة ايام .

*** قائمة المقاطعة
ستار بوكس
ماكدونالدز
برجر كينج
كنتاكي
بيترا كينج
كوكاكولا
بيبسي
فردركرز
شيليز

لنوقف شراء البضائع الأمريكية والبريطانية لشهر واحد فقط

سوف تكون تكلفة هذا الشهر عليهم خسائر مقدارها
37 بليون دولار

***