الأحد، 11 يناير 2009

الشكر

* الشكر هو ( اداء حق النعمة ) يعني إيه : يعني ضمان ماعندك ..لا يعني انه سيظل عندك .. ولا إنه حيزيد كمان ..مش حيزيد إلا بالشكر.. والشكر هو اداء حق النعمة.. يعني لو عندك موبيل إنت بتشحنه عشان يشتغل.. ولو عندك عربيه بتحافظ عليه وتلمعها وتحطلها زيت وخلافه..يعني حافظ على اللي عندك وإديله من عندك شويه عشان يفضل عندك وكمان يزيد...ومش كفايه كلمة الحمد لله.. لازم تشكر.. تشكر ربنا طبعا... إزاي ؟؟ حافظ على النعمه وصونها بدل ما تزول منك.. يعني لابد من الحفاظ عل ماعندك ولا تعتمد على انك ضامنه.. لأ... ممكن النعمة تروح مننا.. يعني لازم نؤدي ما علينا من واجبات تجاها .. لازم تسقى الزرع عشان يكبر.. وتغذي ابنك وتشرّبه لبن .. وتقول لـمراتك كلمة حلوة عشان تفضل تحبك.. وتزور أمك عشان تدعيلك.. صحيح ان أمك بتدعيلك من غير حاجة .. بس ممكن تزعل منك.. عشان مش بتزورها.. ومراتك بتحبك .. بس من كتر اللي هي بتعمله لك وانت مافيش فايده فيك.. قلبها تحّجر..وابنك حيكبر لوحده بس ممكن يكون ضعيف وهزيل.. وصلت الرساله.. اذا كانت مراتك بتحبك وبتعمل اللي عليها.. قولها كلام حلو عشان تفضل تحبك.. كمان.. إذا ان انت بتقول كلام حلو وهي مابتعملش اللي عليها.. خلاص ذنبها على جنبها.. وتأكد من موضوع وجهات النظر.. يعني ماتقولش كلمة حلوه مره في السنه ويبقى كده انت بتقول كلام حلو.. ولا تزور أمك في الأعياد ويبقى انت كده تبر والديك ..لازم تقول للي بتحبهم انك بتحبهم وتثبت ده بالفعل قبل القول..وصلت..ز أتمنى... روح اسقي الزرع بأه... أي زرع .. والحدق يفهم....

هناك 20 تعليقًا:

أمل حمدي يقول...

الحمد لله والشكر لله

بوست هادف

جزاك الله كل الخير

غير معرف يقول...

فتح الله عليك وعلى حواليك
موضوع هايل
وفكرته هايله
وهل من مزيد
ونحمد الله حمداً كثيرا

ودمت بخير

وفاء بركات يقول...

الحمد لله والشكر لله اللهم ديم علينا
نعمك وإحفظها من الزوال وأوهبنا حسن التصرف فيما أعطيتنا.
دعاء والدتي رحمة الله عليها وعلي موتي المسلمين أجمعين..
مش عارفه اصقف لحضرتك أو إقف لك إحتراما مواضيعك كلها هادفه ..
تحياتي

أحــوال الهـوي يقول...

انا باحبك
لانك دايما بتجيب اجوان بالعقل مش بالعافيه

لانك بتتامل و تلاحظ و تنصح

المفروض المدونه يكون اسمها ( عنوان لكل شئ )

فانت تعرف كيف ترشد التائهين

تحياتي

من غير عنـــوان يقول...

* ماما اموله
* واحد من العمال
* وفاء بركات


جزاكم الله خيرا على الكلام الجميل
وأرجوا ان تنقلوا للشباب.. والصغار


أمنياتي

من غير عنـــوان يقول...

** أحوال الهوى

وأنا كمان بأحبك

لإنك إنسان جميل



أمنياتي

zainab يقول...

السلام عليكم ورحمة الله و بركاته

جزاك الله خيرا

إحساس جميل لما تحس انك بتدى و ان اللى بتديله مبسوط فعلا

بس انا حاسه انه لازم يبقى فيه خد و هات تبادل يعنى

تحياتى

Unknown يقول...

السلام عليكم ورحمة
الله تعالى وبركاته
قال تعالى(واما بنعمة ربك فحدث)
وقال تعالى ايضا(انما يشكر لنفسه)
وقالوا وبالشكر تزيد النعم
وكلام كتير من كلام ربى عز وجل
مفاده ان شكر الله نعمة وهبها الله

شمس النهار يقول...

مش المهم الشكر وبس المهم الاخلاص والصدق في الشكرده
عشان الطرف الاخر يحسه
ايه الفايده انك تقول كلام حلو ومايكنش صادق
يعني الزوج يقول لزوجته كلام حلو وهو بيضغط عليها من حته تانيه
او تزور امك وتنكد عليها بمشاكلك
الصدق في القول يوافق الفعل
واللي صادق من القلب لازم يدخل القلب
ده
الناس ما بتشكرش ربنا
تفتكر هيشكروا بعض
(وقليل من عبادي الشكور)انا مش عارفه هي كده صح والا لا
لازم نعلم اولادنا من الصغر الشكر
شكر الله شكر الاخر وهتيجي بالتعود
وكمان المفروض ان الانسان يشكر ومايستناش المردود او يقول كلمه حلوه مره وبعد كده يقول ماانا قلت اهو وماحصلش حلجه
تصدق
النفس البشريه دي غريبه وعجيبه
واهو كل واحد زي ماخلقه ربنا

♥..~*شـــوشـــو هـــانــم*~..♥ يقول...

شكرا احنا كمان لازم نشكرك على البوست الجميل دا عشان متبطليش تكتبي بوستات تاني

************
دمت ودام قلمك المبدع
تحياتي...

فشكووول يقول...

والله فهمت يا من غير عنوان .. خير الكلام ما قل ودل .. شوف انا بارغى كتير واقول كتير .. بس انت بتنشن على الهدف .. اسقى زرعك عشان يكبر .. صح .. صح .. لازم نسقى الزرع ونحافظ على نضارته .. لازم من العمل وليس الكلام وبس .. يعنى لازم نربى مجانس وعضلات ونشتغل ونعمل انتاج ونبنى مصانع ونجيب سلاح وندرب اولادنا ونعمل جيش حلو ....... وحاجات كتير .. هو ده
تحياتى

mahasen saber يقول...

ولان شكرتم لازيدنكم..صدق الله العظيم

كل موضوعات حضرتك وراها مغزى رائع
وفيها هدف وصدق واضح

جزاك الله كل خير

احساس لسه حى يقول...
أزال أحد مشرفي المدونة هذا التعليق.
Dr. Ibrahim يقول...

يقول الله تعالى

((وَإِذْ تَأَذَّنَ رَبُّكُمْ لَئِنْ شَكَرْتُمْ لَأَزِيدَنَّكُمْ ))
آيه عظيمه...تبين الكرم الآلهي العظيم اللا متناهي...
انها نعمه عظيمه من الرحمن غفل الكثير عنها...فقال تعالى: (وَقَلِيلٌ مِنْ عِبَادِيَ الشَّكُورُ)[سـبأ: 13].
انها نعمة الشكر....

وهى ليست نعمة فقط بل عبادة ايضاً..

جزاكم الله كل خير

بنت الغربة يقول...

الله يكرمك يارب على الكلام الحلو ده
بس مين الى بيسمع ؟؟ومين اللى ينفذ؟؟؟
الواحد من كتر ماهو مستنى كلمه حلوه ...زهق ..وماعدتش الكلمه الحلوه ليها لازمه..لانها مبتتقالش الا لو عايز حاجه..
واحيانا كتيره قوى مابتتقالش خالص
لما الواحد نسيها..ونسى طعمها ايه
واهو كله عند ربنا
وحسبى الله ونعم الوكيل
تحياتى

عمرو يقول...

أولا وحشتنا بوستاتك يا صديقى العزيز أنت فين ؟ لعل سبب الغياب خير اٍن شاء الله
ثانيا مش كل الناس يا صديقى عندها فعلا ملكة أو ثقافة الشكر و الغريب أنى لما أشكر بعض الناس على ما قدموه لى بيستغربوا لأنهم لم يتعودوا على أن حد يشكرهم و النماذج كثيره
المفترض فعلا أن يحافظ الاٍنسان على نعم الله التى وهبها له و لكن للأسف بعض الأغبياء يضيعون هذه النعم و ربما عن غير قصد منهم و ربما عن قصد أملا فى العثور على نعمه أكبر و أكثر بريقا
أشكرك يا صديقى على جم الفوائد اللى بنلاقيها فى كلماتك الحكيمه و لك كل التحيه و التقدير

اسماء واحلام فى وجدانى يقول...

كلامك جميل جدا جدا

لكن الاجمل منه اننا نعمل بيه

يا رب اجعلنا بارين بوالدينا

اشكرك جدا

ربنا يوفقك

احمد

من غير عنـــوان يقول...

شكرا لكم جميعا...
منشغل عنكم
ولكن قريبا إن شاء الله نرجع نكمل ما بدأناه

أمنياتي وتحياتي لكم جميعا

وفاء بركات يقول...

ربنا يرجعك لنا بألف سلامه
بجد لحضرتك وحشه
تحياتي

صبرني يارب يقول...

لا ماهو حضرتك مش واخد بالك

الناس حاليا مش عايزين حتى يزرعوا مش بس مش بيسقوا الزرع

فاكرين انهم المفروض كده علىالدنيا دي انهم يصحوا كل يوم من النوم يلاقوا جنبهم طب الفاكه مغسول وملمع وهما بقى ياكلوا على الجاهز

مافيش حتى ان هزي اليك بجزع النخله زي ما قال ربنا لمريم وهى واااااالده المسيح

ولو ما لقوش طبق الفاكهه بدل مايحاولوا يزرعوا الشجره ويسقوها ويكبروها ويصبروا عليها

لا يندبوا حظهم ويعيطوا ويحقدوا ويغلطوا ويمكن يسرقوا ويمكن يجرحوا كل الى حواليهم ويمكن كمان يبوظوا الارض ويخلوها بوووووور ما تنفعش تاني ابدا

تحياتي لحضرتك واسفه على الاطاله بس كلامك عجبني جدااااااا