الجمعة، 8 مايو، 2009

الحيـــاء


* الحياء ( يعني انك تتكسف) ده شئ جميل في حدوده.. يعني أكيد انت بتتكسف من أبوك انك تقعد وهو واقف.. لكن ماتتكسفش انك تسأله عن أي حاجة في الدنيا.. لأنه صاحبك وحبيبك اللي حيرد عليك بإجابة تنفعك ..بتتكسفي لو والدتك معاكي وتسيبيها شايلة كيس السوبر ماركت وحضرتك طالعة جنبها بتتكلمي في الموبايل.. بس مش مفروض تتكسفي تسأليها عن خصوصيات العلاقات بين الولاد والبنات عشان برضه هي اللي حترد عليكي بإجابة صح ..وحتى لو كنت بينك وبين نفسك ( وبغض النظر عن النواحي الدينيه هنا) أقول حتى لو كنت بينك وبين نفسك تستطيع أن تشاهد الكليبات العاريه.. فعلى الأقل لا تشاهدها أمام إخواتك البنات أو والديك ( وفي كلا الحالات لازم تعرف إن ربنا شايفك ) .. ده اسمه الحياء.. والحياء حاجة والخجل حاجة .. الحياء هو بالبلدي ( يكون عندك دم ) .. بتتحرج من كبار السن ولازم تكلمهم بأدب..ما تحبش تحط نفسك في موقف محرج .. بسبب فعلك أو إنك تصاحب حد ماعندوش دم.. يقوم يحرجك مع الآخرين... إنما الخجل ( لو قدرت أوصل الـمعنى ) إنك مثلا تخجل من التقدم لرئيسك في العمل بفكره جديده فنروح عليك الترقيه.. ده خجل وحش.. أو تخجل من التقدم لخطبه زميله محترمه... ساعتها أقول لك لأ.. ده مش حياء .. لابد هنا من الشجاعه في التقدم بفكره جديده للمدير .. والتقدم للخطبه طالما رأيت فيها ما تريد.. لازم يكون عندك شجاعه متزنه.. مش مندفع.. شجاعه لا تتعارض مع الأدب.. تاخد بالك من كلامك وتحذف منه الشتائم ( خاصة البذيئه) تاخد بالك من لبسك.. وبالذات البنات.. لأن الحياء من الفطره...خلي بالك..

هناك 22 تعليقًا:

د. ياسر عمر عبد الفتاح يقول...

الحياء فعل ممدوح ومطلوب
الخجل فعل مذموم مرفوض

فرق شاسع بينهم
رغم كثرة الخلط

قلب ارهقته الاحلام يقول...

الحياء شعبة من شعب الايمان

إن تحول إلي خجل فلن يستطيع الانسان ممارسه حياته بالشكل الطبيعي

وال يوصله لذاته والنجاح ف حياته

تحياتي لحضرتك يابشمهندس ,,,,

mohamed ghalia يقول...

الحياة شعبة من شعب الإيمان
موضوع هايل فعلا
تسلم ايد حضرتك

عمرو يقول...

بارك الله فيك يا صديقنا الحكيم ..
دائما فيه خيط رفيع بين الأمور المتشابهات و هذا الخيط هو مايصنع الفروقات الفرديه بين الأشخاص و ممكن أن يضرهم لو فيه شىء من اللبس أو عدم الفهم ..
أوافقك و لك كل التقدير ..

ma2tshren يقول...

تحفه كلمة الحياء دى عارف هو مش بس فعلا خاص بالبنات لا والولاد ياعنى عثمان رضي الله كان رجل حيي يااااااااااه لو يرجع لينا اجمل صفه فى العالم فالحياء زينه كل شئ ومانزع الحياء من شئ الا شانه ياعنى خلاه وحش

ABOALI يقول...

الحياء
نوعين
حياء ايجابى وهو ما اعطيت فيه بعض الامثلة ( مخاطبة الكبير باءدب - حياء حواء فى كافة مظاهر انوثتها ووو)

حياء سلبى
هو الذى يقود صاحبه الى الانكسار والانذواء وهو نوع مذموم
وهو نوع من خسارة الحقوق مع ان الشخص هو صاحب الحق

وهو يجلب لصاحبه الكثير من المتاعب

ام الخجل فهو رد فعل لشيىء تم الخطء فيه

مثلما يسكب الطفل الطعام او المشرب على ملبسه فتراه خجلا من فعلته


او الفريق الذى يهزم وعندما يخرج من الملعب يتوراى خجلا من الناس


موضوع مهم فى زمن قل فيه من تنعم بصفة الحياء

اشكرك على الطرح

صمت المشاعر يقول...

جزاكي الله كل خير وجعله في ميزان حسناتك

فالحياء شعبه من شعب الايمان

شيماء زايد يقول...

تناولت المعني بشكل جيد جدا
دائما ما نخلط الحياء بالخجل
الخجل صفه سلبيه
اما الحياء فهو من صميم دينا
شكرا لك

Foxology يقول...

الحياء والخجل وجهان لعملة واحدة وهى الأحساس بالغير وعدم ممارسة اللامبالاة تجاه افعالنا واقوالنا وتأثيرهما على الآخرين

تحياتى يا مهندس الحياة :)

عاشقة الأحزان يقول...

السلام عليكم
بجد موضوع جميل قووى أحيك عليه من كل قلبى
ربنا يكرمك يارب
والحياء مطلوب فى كل شىء وخاصة المرأة
قصة فيها المعني الحقيقي وما يحبه الرجل في المرأة
حياؤها و خجلها و الذين يعكسان انوثتها
الحنان والعطف والعطاء و التضحيه و الايثار و الحب و القوه تعكس امومتها
حسن التصرف و الانوثه والامومه و الصبر و الاخلاص و الثقافه ان امكن تعكس انها زوجه صالحه
تحياتى لك
إيناس

شمس النهار يقول...

مش عارفه انا حاسه ان دلوقتي مافيش لاخشه والا حياء والا خجل

من كل النواحي
بقا كل حاجه كده علي المكشوف
سواء في الاعلانات او الفن عموما
او حتي في الحياه العامه بين الناس

بقا في خلط في الامور كلها

ومن اصل التربيه تداخلت المواضيع ومابقاش حد عارف فين المعني للحياء او الخجل او الادب

Soul.o0o.Whisper يقول...

السلام عليكم و رحمة الله و بركاته

أولا بجد بأعتذر عن التأخير
هأقرا البوست اللى فاتنى و اعلق عليه

لكن بالنسبة للخجل و الحياء
مش عارفة إذا كان المقصود بيهم المعانى فعلا اللى حضرتك قلتها ولا لا

لكن أتفق مع حضرتك ان المعانى اللى قلتها مظبوطة

الاحراج من التقدم بفكرة جديدة أو غيره من الامور النافعة
مذموم

أما الاحراج من الامور الشخصية و احترام الغير و قبل كل ذلك كما ذكرت حضرتك
هو الحياء من الله
فأكيد شئ محمود



ربنا يبارك فى حضرتك يارب
و اروح الحق اللى فاتنى
:)


دمت بود

الوردة البيضا يقول...

السلام عليكم
كيف الأحوال يا بشمهندس محمد؟؟ أتمنى أن تكون بخير، وأن تعود لتشرفني بزياراتك الجميلة في القريب.

الموضوع بالفعل مهم وأعجبني جدا توضيح حضرتك للفرق بين الحياء وهو فضيلة مطلوبة، وبين الخجل السلبي الذي قد يقف حائلا بيننا وبين التفاعل بشكل إيجابي في المجتمع.

لكن يؤسفني إني أقول لحضرتك إن الصفة الثانية أصبحت هي المنتشرة حاليا، بينما بالنسبة للحياء يؤسفني مرة أخرى أن أقول لك "إن اللي اختشوا ماتوا من زماااااااااااااان" وإننا في زمن لا يعرف أغلب أهله ما معنى الحياء... زمن تغتصب فيه طفلة في الثامنة من عمرهاأثناء ذهابها لدار تحفيظ القرآن... بل في زمن تغتصب فيه سيدة عجوز في الخامسة والتسعين من عمرها!!!!
لم يعد هناك حياء، بل لم يعد هناك عقل من أساسه، وإنما عالم من الجنووووووون

أعتذر عن كل المرارة في كلماتي، ولكنها الحقيقة
تحياتي واحترامي لحضرتك

Amira Elkasaby يقول...

السلام عليكم ياباشمهندس,انا عندى خوف كبير ان تضيع قيمة الحياء فعلا بين ابناء هذا الجيل ربنا يستر ويحمى اولادنا,وقد علمت معلومة ان كلمة الحياء ليس لها مرادف فى اللغات الاخرى، لان كل الكلمات تعطى معنى الخجل.وهذا من جمال ديننا ولغتنا العربيةالتى ايضا اصبحت شبه مندثرة, واعتقد ان ممكن يكون فيه شباب لا يعرف اصلا يعنى ايه كلمة حياء,وانا مع شمس النهار فى رايها(ان فعلا اصبحت كل حاجة حوالينا بدون خشاالا من رحم ربى).ومثلما حضرتك تفضلت وقلت ان فرق كبير بين الخجل والحياء فالخجل يمنع اى تقدم عكس الحياء فهو يزين المرء.وشكرا على هذا الموضوع الجميل مثل سابقه

واحد من العمال يقول...

السلام عليكم ورحمه الله وبركاته

الحياء يضفى على صاحبه الوقار
ولكن الكثيرين لا يفرقون بينه وبين الخجل
اللهم أجعلنا من أهل الحياء
ويكون عندنا دم
ونحمد الله إننا قد خاصمنا الخجل ولا نخاف فى الحق لومه لائم
وأبقى طل علينا وشوف
وحشتنا طلتك ياباشمهندس

ودمت فى أمان الله وحفظه

م/ الحسيني لزومي يقول...

61 عاما علي النكبة
ونحن أقرب للعودة
والعودة حق لا عودة عنه
شارك في الحملة الالكترونية لإحياء الذكري ال 61 للنكبة ( عائدون)
ضع شعار الحملة علي مدونتك

وفاء بركات يقول...

السلام عليكم
مواضيع فيها النصيحه والعذه .
الحياء والخشي والمروءه والتواضع وغيرها
من الصفات الجميله التي يجب ان يتحلي بها الإنسان وأولي بها أتباع حبيب الرحمن سيدنا محمد صلي الله عليه وسلم
ربنا عنا يجزيك خير

norahaty يقول...

السلام عليكم ورحمة
الله تعالى وبركاته
الحياء:انعم به واكرم من خلق
أماالخجل:فداء عضال ارجو من
الله منه الشفاء.

norahaty يقول...

كلام جميل ياباشمهندس

موناليزا يقول...

"اذا لم تستحى فاصنع ماشئت"
اختصارا للموضوع:)

الجواز و سنينه يقول...

بوست هايل يا باشمهندس
و الله حضرتك جميل اوى
نقى كده و بسيط
اد ايه بتعلم منك و بجد ربنا يباركلك
ربنا عالم ان حضرتك غالى عليه جدا
عايزه اقولك كمان انى خالفتك الرأى فى بوست زمان
و من يومين قلت و الله كان عندك حق
و دعيت لحضرتك كتير و الله
تحياتى من الاعماق لشخصك الكريم و لكل العائله

من غير عنـــوان يقول...

الجواز وسنينه
بيقولوا الأجانب
you make my day
شكرا على كلمات تشجعيك لي..
وعلى فكرة مش عشان الكلمات الحلوة..
لأ
عشان أنا حسيت إن اللي بكتبه ده ماراحش في الهوا..

أمنياتي