الجمعة، 5 يونيو 2009

لوحدك

* اجلس لوحدك كل يوم ولو عشر دقـائق.. بلا عمل ولا تليفون وبلا لعب ولا حتى تفكير...فقط صمت ..................صمت ..................صمت............
هسسسسسسسسسسسسسسس...................................
وساعتها كمان حاول تتنفس نفس عميق من الهواء النقي.. وحتشوف الفرق.. ويا سلام لو سمعت مع السكون قطعة موسيقى هـادية . . ولو هـــادية جدا يبقى احسن .. على فكرة فيه موسيقى مخصوص للتأمل ..وممكن تظبط منبه الموبايل على كده.. ميعاد يومي عشان تغمض فيه عينيك .. وتخليها عادة يومية.. تأمل...... بص على اللي حواليك بالراحة وبتأمل.. السحاب مثلا .. كتير وانا صغير لعبت معاه وجريت وراه ، النخله ليه طويله كده .. البحر ده آخره فين.. التأمل ده بيديك أبعاد تانيه.. وبيخلى فكرك يرتقي ..و شـغـّل حواسك .. عندك حواس.. استعملها .. بتشوف .. يبقى لازم تتأمل وتبص حواليك وترصد مناظر جميلة .. كمان لازم تقرا .. أو تحوش جوه ذاكرتك الفوتوغرافية مناظر بعينها تسترجعها لما تعوزها.. سواء في شغل أو في لعب.. بتتكلم .. يبقى لازم تتكلم كلام حلو مع اللي حواليك .. والكلام الحلو حييجي من السمع الحلو.. يعني لازم تسمع وتسمع كتير .. عشان عندك ودنين وفم واحد.. بتشم.. يبقى شغل الحاسه دي في انك تشم روايح حلوه أو تشم الخطر !.. بتتذوق .. يبقى متاكلش أو تشرب أي حاجه خليك ذواقه..كمان اللمس.. حاول أن تلمس كل ما هو حولك .. سواء بيدك أو بمشاعرك.. وفيه حاجه كمان اسمها الحاسة السادسة.. ودي مختلفه من شخص لآخر ومش موجوده عند كل الناس.. لو عندك استعملها..

هناك 30 تعليقًا:

Soul.o0o.Whisper يقول...

أووووووول تعليييييييييييق


احجزززززززززززززززززز

Soul.o0o.Whisper يقول...

الحممممممممد لله

طب أروووح اقرأ بئا و اجى

:)

Soul.o0o.Whisper يقول...

بسم الله ما شاء الله


بجد البوست دا حلو اوىىىىىىىى

حسيته بجد

لأن فعلا لحظات او دقائق التأمل دى بتنقلك من عالم لعالم والله

فعلا جو تانى خالص
و تحس روحك فووووووووووووووووق


ربنا يكرم حضرتك يارب


دمت بود

Kiara يقول...
أزال المؤلف هذا التعليق.
Kiara يقول...

التامل بجد بيدي للنفس ثقل وعمق ملوش مثيل لازم فعلا كل فتره نفكر كدا

SHAPE YOUR LIFE (ABOALI) يقول...

تأمل فالتأمل نعمة
تزيد الاحساس
وتعطى رونق ببلاش
فى القراءن تجد ابراهيم عليه السلام
كان التأمل له عنوان
بحث عن خالق الاكوان
وفى الغار كان خير المرسلين
نزل عليه البلاغ المبين
فتفكر فيما حولك
يقينا" ستتدرك نفسك


موضوع بالغ الاهمية
احييك على اخيتاره والمعانى التى ذكرت فيه


تحياتى

candy يقول...

رائع جدا...
كل اللى حضرتك بتقوله ده انا بتمناه بجد وبدعى ليه اصحابى كمان لما بيشتكوا من فقدان المعانى وضغط الحياة
بس السؤال بقى........
امتى؟
وفين؟
وازاى؟
:(

من غير عنـــوان يقول...

أشكركم جميعا
أشكر سول على 3 تعليقات
وكيارا على المختصر المفيد
وأبو على اللي دايما ناضج وجميل وردوده فيها إضافة.. أما كاندي أقول لها: عندما يريد الإنسان.... فإن السماء هي الحد... بمعنى.. إنوي إنت بس وحتلاقي إمتى وفين وإزاي اتحلت

ربنا يسعدكم جميعا

عمرو يقول...
أزال المؤلف هذا التعليق.
عمرو يقول...

الله يا صديقنا الحكيم على البوست الجميل ..
أنا عن نفسى بأمارس التامل و لكن لمدة ساعه أو أكثر يوميا و هو بالفعل شىء مفيد جدا جدا ..
و كتير من الناس بيمارسوا التأمل من غير ما يقصدوا أو و هم مش عارفين أنهم بيمارسوه بالفعل لما بيقولوا محتاجين نفصل شويه أو محتاجين نقعد مع نفسنا شويه على حسب التعبير الدارج للنشاط التأملى اللى بيبدأ بسيط و ممكن أن يتطور لما هو أعمق حتى الوصول لمرحلة التوحد مع الموجودات و ده أعلى مرتبه فى التأمل و هو جزء من رياضة اليوجا ..
بارك الله فيك يا أستاذنا و تقبل تحياتى و تقديرى ..

♥نبع الغرام♥♪≈ يقول...

السلام عليكم


ووووووووووووووو

الله عليك بجد كلامك عسل وبيريح الاعصاب

ما أجمل التأمل

أكيد كلنا بنحب نمارس التأمل وانا عن نفسى بحبه قووى

تحياتى لحضرتك
انوسه

♥نبع الغرام♥♪≈ يقول...

السلام عليكم


ووووووووووووووو

الله عليك بجد كلامك عسل وبيريح الاعصاب

ما أجمل التأمل

أكيد كلنا بنحب نمارس التأمل وانا عن نفسى بحبه قووى

تحياتى لحضرتك
انوسه

Unknown يقول...

دى عادة مشهورة
فيما اعتقد فى تعاليم
اليوجا:لاجل ما نتعلم
ازاى تعرف تسترخى.

شمس النهار يقول...

لوحدك
مش محتاجه وصيه اكتر الناس دلوقتي بقوا لوحدهم
حتي وهمه عايشين في وسط ناس
اما التامل ده هو اللي حميل وعلي فكره التامل هو وليد للوحده
وعلي فكره انا عندي موسيقي الرروح والتأمل
كنت منزلاها من عند موقع بيت السلام اللي تبعم مريم نور

وفعلا لمس الاشياء بيفرق كتير في الاحساس بيها
اما الحاسه السادسه دي صاحبها مابيكونش سعيد بيها في اغلب الاوقات
عشان ساعات بتجلب له النكد

صبرني يارب يقول...

تمام تمام تمام

بابا كان دايما يقولي اسمعي اكتر ما بتتكلمي عشان احنا ربنا خلقنا لنا ودنين نسمع بهم انما لنا لسان واحد نتكلم به

لكن بقى تقول ايه ماما بقى كانت دايما تقولي يا ام لسانين
هههههههههههههههه
يظهر ان موضواللسان ده زي الحدث السادسه بيختلف برضه


تحياتي لحضرتك كالعاده معنى عميق جدا فى كلمات بسيطه

جلال كمال الجربانى يقول...

السلام عليكم

تدوينه رائعه
وسأحاول أتأمل الأشباء فى هدوء
بس مع سبحان الله وبحمده
حتى يبقى راحه للذهن
للإنطلاق وننول الثواب


ودمت فى أمان الله وحفظه

Foxology يقول...

اه من التأمل يا استاذنا فعلا بيغير فينا كتير

لكن للأسف معادش فيه وقت للتأمل ولو فى وقت للتأمل الناس بتفضل تقضيه فى اجترار الأحزان الشخصية او العامة !!

تحياتى على التدوينة الرائعة :)

شيماء زايد يقول...

رغم انه غريب
وتناول حتي التامل بابعاد مختلفه عن المتعارف عليها
إلا انه موضوع مميز
اشعرني بالسكينه بمجرد قراءته
شكرا لك

Sweet Violet يقول...

فعلا التأمل يجعل الانسان أكثر توازن و يمنحه هدوء نفسى و قدرة رهيبة على التفكير العميق عند مواجهه اى مشكلة من اى نوع

تحياتى ^_^

gogo!sf يقول...

ازيك يا استاذ محمد

يارب تكون بخير دايما

.....................

البوست ده فعلا جميل جدا جدا

بجد لو كل حد مننا ادى نفسه ساعه

واحد بس للتامل والاستجمام يوميا

اكيد هيكون مرتاح نفسيا اكتر

البحر هو اكتر شىء تستمتع بالتأمل فيه

بوست بجد رائع

تحياتى لك

عاشقه الاحزان

جوجو

yoyo يقول...

صباحك سكر يا استاذ محمد

اخبار حضرتك ايه؟!

ارجو المعذرة لغيابى عن المجىء الى عالمك

لوحدك
اعتقد ان اجمل لحظات التفكير و التأمل عندما يكون الانسان منفردا بذاته
و محاولا التاأمل و العيش فى خياله للحظات بتكون لها مفعول السحر

كلمات جميلة اوى
وانا من التجربة باكد على الحالة دى لانها من اروع من يكون

دمت مبدعا و متالقا
تحياتى
يويو

بنت الغربة يقول...

بجد وحشتنى بوستاتك الرائعه..
انا بحب لحظات التأمل قوى ..وخصوصا لما اكون متضايقه ..
وانا مش من الناس اللى بتحب تتكلم كتيير..بالعكس ..انا مقله قوى فى الكلام وكمان فى الاصحااب..لانى مابقتش اعرف اعمل صداقات ..لانى مش ضامنه هاقابلهم تانى ولا لأ..يمكن اصدقاء النت احسن حاجه علشان انا عارفه انى مهما اتغربت ..برضه هالاقيهم هنا فى عالم النت ..
شكرا قوى لتعليقك الجميل عندى ..
ومعلش على تقصيرى فى الرد او التعليق عندك ...
وشكرا انك مانستنيش وبرضه جيت زرتنى
تحياتى ليك ..

قلب ارهقته الاحلام يقول...

بوست هايل بجد

وهااادي ومليان حاجات جميله لوحسناها

وبنفس طريقة سرد حضرتك اكيد هنوصلها

دمت بألف خيرر

تحياتي ,,,

mira يقول...

اجمل ما فى الحياه الانفراد بالنفس
دى الحاجة الوحيدة اللى سهلة وبايد الانسان انه يعمله براحته من غير استئذان ولا قيود وفيهاالواحد بيحس انه عايش فى عالم لوحده ملكه من غير مشاكل ولا ضغوط ولا التزامات ولكنها لاتدوم لانها مدة قصيرة جدا كانها حلم حلو وبيخلص بسرعه
تحياتى
ميرا

وفاء بركات يقول...

بتمناها ....
ولكن؟؟؟؟؟؟؟؟؟؟؟؟؟؟؟؟
محتجاها جدا !!!!!!!!!
راح أحاول يمكن..
دمت بالف صحه وعافيه

الجواز و سنينه يقول...

طيب انا عندى حاسه سادسه
بس ساعات مش بحبها
انا بتكلم بجد على فكره
بس اكيد هاقعد لوحدى و احاول اتأمل يمكن لانى كنت بعمل ده زمان و بطلت و بجد محتاجاله جدا
تحياتى لحضرتك

غير معرف يقول...

عندك حق
لازم كل فتره ندي مساحه من وقتنا للتأمل..

dina يقول...

و الله صح الكلام....نفسى اتعلم فن التفكير فى لا شىء دا اللى التأمل باب ليه و اليوجا مثلا توصله بردو....بجد كلنا بنحتاج لوقت نفصل فيه كل يوم من كل حاجة و نفضل بس فى صمتتتتتتتتتت

من غير عنـــوان يقول...

شكرا للجميع
على التعليقات المتميزه

أمنياتي

ابو المفاصل الواصل يقول...

الشماعة
وبعدين فى الطــــــبع الغريـــب يا جماعة
كل واحد لغـــــلطة مفصــــل لـه شـماعة
يعلق عليها عيوبه ونفــــــسة الملتـــــاعة
ويدارى الخـــــيبة بدل مواجهتها بشجاعة
وهو فاكر عمل اللى عليه فى نفس الساعة
ولكنه زيه زى اللى بيحــــرق نفسه بولاعة
بعد فترة هيحس مدى التقصير والبشــــاعة
فى حق نفسه المغيبه وكأنه فى بلاعــــــة
ولا يبقى له غير الندم والعطش والمجاعة
=============
ناجح يوسف فهمى