الجمعة، 16 أكتوبر، 2009

اتأخرت عليكم؟

* الـمرجعيه.. يعني إيه... ماهو مرجعك.. ماهو الشئ اللي زي الضمير كده بيكون مرجعيه لك.. يحكم تصرفاتك..يخليك بتحافظ على فعلك.. وتحب النجاح في عملك.. وتبغى السعاده.. ياترى الدين.. يا ترى الضمير... يا ترى الخوف... ياترى السمعه... وسمعة مين.. سمعتك ولا سمعه والدك.. ياترى بتتصرف عشان الناس تعجب بيك وخلاص.. ولا بتتصرف عشان ترضي ضميرك وغرورك .. وياترى هل مجرد إرضائك لضميرك مثلا كافي.. ولا لازم كمان تصرفك ده يرضي دينك... وياترى عشان حضرتك مبسوط من اللي بتعمله مش مهم باقي الناس... وياترى لو صاحبك الوحش أو البنت اللي عايز تخطبها مالهاش مرجعيه .. حتصاحبه لسه وحتخطب البنت... يعني ما هو لو عمل مصيبه أو الخطيبه عملت عمل لا يرضيك ... ساعتها .. حترجع لمين.. حترجع لمين تحكّمه.. تاخد رأيه.. ينصح الطرف اآخر أو ينصحك إنت لو إنت الغلطان... طيب وإيه أهميه ده.. أقول لك... لما تعرف مين أو إيه مرجعيه اللي انت بصدد التعامل معاه.. حيخلي الأمور أسهل .. وأوضح.. حتخليك عارف إن ممكن ضميره يرجعه لعقله.. أو دينه يخليه يتقى الله معاك في جوازكم.. أو أهلها حيفهموها الغلط من الصح.. بص.. الحكاية مربوطه بمواضيع كثيره.. عايزك تفكر في الموضوع ده.. وفكر لو إنت سلفت حد فلوس... ( وإنت مثلا شايف إنه محتاجها) قام مارجعش الفلوس دي.. حتقول عوضي على الله لإنك مش لاقي له كبير ترجعله.. طيب الفلوس ومقدور عليها... طيب لو سلمت حد حياتك... مصيبه لو ضيعها.. يبقى لازم ندور على أصل اللي بنتعامل معاه عشان إلى حد ما نلاقي حد يرجعه عن غلطه... لو غلط..ومافيش أحسن من إن يكون الدين الصالح هو المرجع.

هناك 18 تعليقًا:

موناليزا يقول...

يااه تعرف انى عمرى مافكرت فى الموضوع ده خالص وانا بتعامل مع حد
بس بعد تجارب حياتية وبعد كلماتك انتبهت فعلا لضرورة هذا

candy يقول...

حمد الله على السلامة
افتقدنا حضرتك كثيرا ، وكلماتك الحكيمة
أنا فعلا باخد بالى من الموضوع دا جدا
لأن الزمن دا الأمان فيه مفقود
فبستريح جدا لما بلاقى اللى بتعامل معاهم ليهم رادع
وعمرى ما صاحبت حد وأنا عارفة أنه مش بيخاف ربنا
لأن فعلا مافيش مرجعية تانية أقوى ولا اوضح ولا أكثر ثباتا
تحياتى

ماء تشرين يقول...

مع حضرتك جدا طبعا لازم يكون في حدود مرسومه ومرجعيه لكل حد فينا نرجع لها هو احنا مخلوقين كده في الهوى ياعنى لازم نرسم خط ونمشي عليه وعلى راى القالو الملوش كبير بيشتريلو كبير

موضوع شيق


تقبل مرورى

Sweet Violet يقول...

معاك حق فعلا
و الصراحة انا واحدة من الناس اللى اكتشفت ده متأخر جدااا بعد خسارة كبير
v_v

smilyrose يقول...

السلام عليكم

حمدلله على سلامتك اخى محمد

علمتنى الحياة اشياء كثيرة

وعلمنى البشر اشياء اكثر مما كنت

اعرف وما لم يعلمه لى كتب العلم

وما اكثر ما قابلت من بشر

بسبب عملى كمدرب

ولكن ان كثيرا ممن قابلت كنت احتار فى

امورهم حتى من كنت على ارتباط به

حيرنى امره كثيرا واحمد الله انه نجانى منه

على العموم اشكرك كثيرا على


موضوعك الجميل

Hager Za3bal يقول...

ومافيش أحسن من إن يكون الدين الصالح هو المرجع.

بجد انت جبت المفيد في النهايه :)

مقال جميل واسلوب اجمل ..

ياريت متغيبش تاني

تحياتي

صبرني يارب يقول...

تماااااااااااااام

بالظبط يا استاذنا

انا دايما اقول ما تخافش من الى مرجعيته كتاب الله

خلينا نقول كتاب الله وسنة نبيه

بلاش الدين مطلقا عشان يما دخلش فى الموضوع كتاب الشيخ الشريب على راي استاذ هانيء

انا بقى باقول ليه ما تخافش منه

عشان هاتلاقوا لكم حكم فى الاخر

لما تختلفوا تقوله ربنا قال كذا يبقى انا ليا كذا وانت لك كذا

نفسي يفهموا دي ويختاروا كده

ما يقلوش المرجعيه الدنيه ما لهاش علاقه بالفن وما لهاش علاقه بالعلم وما لهاش علاقه بالحب

لها علاقه والله بالنفس الى نتنفسه كمان


تسلم اديك يا فندم

23 يقول...

خير الكلام كان في ختام ما كتبته

فالمرجعية لي تحكم تصرفاتنا هي الدين .

كما اننا فرحنابعودتك للكتابة من جديد فقد تاخرت كثيرا على قرائك و محبي مدونتك

نتمنى لك من قلوبنا كل التوفيق .

norahaty يقول...

الاول نقول حمداً لله
على السلامة يافندم
وكمان مبروك شيل التحكم
فى التعليقات وبعدين نقرأ
التدوينة ونرد عليها :
مرة تانية حمدلله
عـــلى السلامة.

mohamed ghalia يقول...

الموضوع أكثر من رائع
بجد ربنا يكرمك ويسعدك يا أستاذى

نمووول يقول...

غاندي هو مرجعي
اقارن كل سلوكياتي بسلوكياته
وكل افكاري بافكاره ..

موضوع جميل
شكراً
دمت بخير

الشجرة الأم يقول...

أسئلة كثيرة جداً أدخلتني في متاهة التفكير، ولكن إذا صلح عمل الإنسان صلح دينه.

جزاك الله خير الجزاء ونفع بك الأمة الإسلامية العربية

norahaty يقول...

السلام عليكم
مرجعيتى!مزيج من
أشياء كثيرة:ما تربيت
عليه,ما يمليه علىّ دينى ,
ما يمليه على قلبى ,نظرة المجتمع
لما سأفعله,مكانة من يطلب المعروف
عندى!اشياء كثيرة لا نستطيع تلخيصها فى كلمة ومثل ما قلت لحضرتك التربية فى الاساس هى ما تحكم كثير من افعالنا وبالتالى هى المرجع لنا فى أعمالنا.

Dr Ibrahim يقول...

حمدا لله على سلامة حضرتك

اما بالنسية للمرجعية فيجب أن يكون القلب صالح لتصلح أعمالنا وأقوالنا
فكما تفضلت الدين الصالح خير المراجع

تحياتى لك

واحد من العمال يقول...

ولا يهمك يا باشمهنس
إتأخر براحتك
وعلى العموم وحشتنا
وفعلاً على الأصل دور
جرعات جميله والأجمل إنها لوجه الله

ودمت فى أمان الله وحفظه

mahasen saber يقول...

دايما كنت اسمع عن المرجعيه الدينيه وفى البوست ده ادركتها بشكل اكبر

انا عن نفسى برجع كل الامور لله وبقول الحمد لله قدر ولطف زى ما بيقال
حتى مع تعاملى مع البشر لما بتعامل مع حد غلط او اذانى بشكل ما بقول الحمد لله لعله خير بس مبعرفش فعلا هل ده عبط منى او ضعف فى مواجهة الامور او رضا زياده بكل شئ مكتوب

الموضوع راقى زى كل كتابات حضرتك يا باشمهندس محمد

أسما عواد يقول...

كل ما اعدي ألاقي جديد
عطاء دائم ومستمر
شكرا على بياض قلبك

الايــــــــــام يقول...

السلام عليكم ورحمة الله وبركاته


بارك الله فيك أيها الأخ الفاضل ونفع بك

على موضوعك القيم والمفيد

دمت في حفظ الرحمن