الأربعاء، 25 نوفمبر 2009

كل عام وأنتم بخير

* إياك والعند .. فالحكمة منطق العقلاء.. والعند منطق الجهلاء.. والعند يورث الكفر والعياذ بالله.. خليك مرن.. وبعدين انت بتعاند مين.. بتعاند نفسك الأول.. صالح نفسك .. حتصالح الناس.. اتكلم بعقل وهدوء حتى تتمكن من توصيل وجهة نظرك للآخر.. يقوم ماحدش ينرفزك فماتعندش.. لو قلت آسف مره وحليت المشكله.. حتلاقي الموضوع سهل.. قول ورايا : آسف ... جرالك حاجه.. قوم اتأسف للي مزعله.. وغلطان في حقه وانت في قرارة نفسك عارف انك غلطان.. كمان ماتعنديش مع أبوكي اللي شايف ان العريس ده ماينفعش لسبب أو لآخر .. مش رفض والسلام.. وتقولي باحبه يابابا.. أبوكي عارف مصلحتك..لأنه سبق بخبرته .. وطبعا الأب كمان هنا مش لازم يعند هو كمان على مهر ولا غيره... إنما لما يرفض العريس عشان دين أو أخلاق لازم نسمع..ولازم تتعلم إن العند بيخلي اللي قدامك يعند هو كمان فلا تكن لينا فتعصر ولا صلبا فتكسر.. يعني ماتبقاش خيخه وكمان ما تبقاش صخرة... واسمع... اسمع الرأي الآخر وفكر فيه.. بالراحه... وفيه حاجات لما الأيام يتعدي بنقول لنفسنا ... يـــاه... طيب ده أنا خسرت كتير لما عندت مع والدتي لما كانت بتحب تخليني أفطر قبل المدرسه.. وأنا كنت رافض.. ثم أكتشف إن الفطار ده أهم وجبه في اليوم.. أو لما مدرسي يقول لي إنت محتاج شويه تركز.. أقول أنا ده أنا بأفهم كل حاجة من الإنترنت.. ومش طالبه تركيز... وأعند .. وبعدين أتفضح في إختبار تعيين أو غيره.. مش بأقول نسمع كلام الكبار وخلاص.. بأقول مانعندش.. حتى لو مع صاحبك.. يقولك الفيلم ده حلو ( هو شافه ) وإنت تقول لأ وإنت ما شفتش الفيلم؟؟ طب إزاي... ربنا يهدي سرك...

هناك 14 تعليقًا:

فطيمة يقول...

هناك مثل يقول خالف و لا تعاند ...و في رايي ان العند من عائلة الكبر و لو بنسبة قليلة .
كل عام انت و جميع العائلة الكريمة بالف خير .
و عيد سعيد

موناليزا يقول...

مش بسميه عند على قد ما بسميه غباء
==
عيد سعيد علينا جميعا

norahaty يقول...

العند يورث الكفر
فعلاً اسميها خلاصة
تجارب الشعوب
أو كما تسمى دارجاً
(امثــــال شعبية)

mohamed ghalia يقول...

كل سنة وحضرتك بخير
ربنا يسعدك دايما

صبرني يارب يقول...

ماهو احنا ما عندناش الثقافه دي يا استاذنا

مليون مره ادخل فى مشاكل تجيب قهر داخلي
خصوصا بين المتجوزين

والاقي ان المشكله الى بقت اد الفيل دي كانت تتحل لو كان الطرف الغلطان والى عاااااااارف انه غلطان قال ااااااسف

فيها ايه ؟؟

على رايك ما بتوجعش

ونفسي الناس تسممممممممع
تفهههههههههههههههههم
تفكرررررررررررررررر
تقررررررررررررررر

بس
والله مش عايزين اكتر من كده

تحياتي لحضرتك

وكل سنه وانت طيب ويارب يعود عليك الايام بالخير والسعاده

Tamer Nabil يقول...

كل سنة وانتى طيبة


عيد سعيد


مع خالص تحياتى

شيماء زايد يقول...

كل عام وانتم بخير ... اضحي مبارك

هدية العيد علي المدونه برجاء استلامها :)

http://hmasat-elqlm.blogspot.com/

ഒരു നുറുങ്ങ് يقول...

!kulla aam vannthum bilkair

أسما عواد يقول...

عندك حق
العند بيورث الكفر
شكرا وتحياتي

بعبعه يقول...

سلم ايدك على الموضوع الجميل

واتمنى تشريف حضرتك لمدونتى بالزياره

وياريت الاجابه على الاستطلاع الى عندي محتاجه منكم مساعده

dina يقول...

اه و الله....العند فعلا يوصل للكفر و اسوأ انواعه العند مع النفس دا....بتبقى خناقة كبييييييييييرة و اسأل مجرب
ربنا يبعدنا عنه يا رب

بنت الغربة يقول...

وحشنى كلامك الحلو ..
كل سنه وانت طيب
وعيد سعيد عليك يارب
تحياتى
داليا

Dr Ibrahim يقول...

كل عام وحضرتك بخير
فعلا العناد شىء سىء جداً ويجب أن نسمع نصيحة الأكبر والأكثر خبرة فهو أعلم ثم إن العناد قد يؤدى إلى خطأ كما قلت نندم عليه بعد ذلك
ونقول ياريت كنت وكنت
فدعوة لنكف عن العناد

الايــــــــــام يقول...

السلام عليكم ورحمة الله وبركاته


بارك الله بك على الموضوع القيم

وفعلا العند شي رهيب ويؤدي الى شجارات واشياء اخرى ممكن الانسان يتفاداها بالتفاهم

تحيااتي لك

ودمت برعاية الله