الجمعة، 11 ديسمبر 2009

الشمس تشرق دائما من الشرق..

الشمس تشرق دائما من الشرق.. وكان الله في العون يوم تشرق من الغرب.. يعني ايه..؟ يعني ان ربنا سبحانه وتعالى وضع قاموس وناموس لهذه الحياة حتى تسير بمعيار لا يختل ولا يخطئ.. لا الشمس ينبغي لها أن تدرك القمر ولا الليل سابق النهار.. كل شئ بميزان.. بقدر معلوم.. والأهم وما أريد أن أصل إليه هو مش لازم عشان نغير ونجدد.. إن احنا نخّرب حياتنا وحياة الآخرين.. ونختار ان التجديد للتجديد حتى ولو كان ضد الطبيعه.. أو عشان نظهر إن احنا مختلفين ومميزين عن غيرنا .. ليه ما نسمعش كلام أهلنا.. طيب ما هما عارفين أكتر مننا.. وشافو كتير.. وماشيين على نظام من سنين وما شاء الله خلفوكوا وبقيتم شطار.. تقوموا عشان تختلفوا تكسروا القواعد والقوانين.. لأ... عايزك تفكر ان الدنيا شغاله كده من سنين.. وزي الفل... إنت ممكن تتطور حياتك.. إنما مش حتخترع نظام جديد للحياة... مش معنى انك تقول وهو لازم يعني ألتزم بمواعيد النوم أو الأكل أو الخروج مع الأسره إنك كده بقيت شاطر.. لأ طبعا.. ده الشاطر هو اللي يلتزم وفي ذات الوقت يتطور.. عيلتك كلها ما فيهاش حد اتجوز راقصة.. روح اتجوز واحده عشان تبقى مختلف؟؟!! مع خالص احترامي لهن.. لكن في عائلات تانيه كتير بتقبل عشان هما منهم..اختارواحده تكمل معاك المشوار. وحكاية ان لازم اقرا في كتب الشيوعية والوجوديه، عشان أنا مختلف..طيب ما تخلص الأول كتب الكلاسيكيات العظيمه التي لابد أن تقرأ . عشان بنتعلم منها بجد. وبعدين أدخل على ما هو غريب.. لأنك كمان لما تقرا ده لازم تكون مستعد له.. جدد بس في حدود ...حدود النظام .. اللي مشيت عليه وانت صغير.. وعشان كده بقيت دلوقت ملو هدومك.. الفضل بعد ربنا.. الفضل لأهلك..

هناك 12 تعليقًا:

العلم نور يقول...

الشمس قد اقترب شروقها من الغرب.. ومن ذلك ما ذكره العلماء من أن الأرض قد وصلحت حدها الأقصى في الدوران حول محورها وفي أي وقت غير متوقع ستعكس دورتها حول محورها وتشرق من الغرب، كما أن هناك كوكب يعرف باسم نيبرو أعلنت عنه وكالة ناسا للفضاء في سنة 1983م سيمر بالأرض في منتصف سنة 2011 وسيعكس دورتها حول محورها نظرا لقوة جذبه المغناطيسي الهائلة.

بارك الله فيك ونفع الله بك الأمة الإسلامية العربية.

Tamer Nabil Moussa يقول...

السلام عليكم

موضوع رائع ومفيد

تسلم علية

ربنا يصلح للناس احوالها


مع خالص تحياتى

ഒരു നുറുങ്ങ് يقول...

جزائك الله والخير لهدا الفكر ! الموضوع
جيد جدا.نعم يا كااتب ..قد اقترب الشمس
شروقها من الغرب..ولا بد ان ننتظر الواقعة!!!!
ربنا سترك يا الله !

mohamed ghalia يقول...

تمام يا استاذى
هم اصحاب الفضل وهما اكيد يعرفوا أكتر مننا

جلال كمال الجربانى يقول...

السلام عليكم

فعلاً التميز مش معناه أنى أكون مختلف وخلاص
المهم أن التميز ده يكون للأفضل وألا يخالف النواميس الطبيعيه
وأشكرك

ودمت فى أمان الله وحفظه

fatima يقول...

مقالتك هذه المرة فلسفية نوعا ما و صعبة في نفس الوقت كل سطر منها يناقش لوحده اما تعليقي و يا رب لا اخرج عن الموضوع .
الجزء الاول من موضوعك فيه اية كريمة تدل على ان هناك قانون ثابت لا يتخلله الشك فهو ناموس بمقاييس الاهية عظيمة لا تجوز معارضته او المناقشة فيه .
انا معك في بقية الموضوع لان الانسان لا يمكن ان يجدد ضد الطبيعة و ايضا لان هناك ثوابت و اساسيات يمكن للانسان ان ينطلق منها للاحسن دون المساس بها و خاصة اذا كانت صحيحة و سليمة .
و انا معك ايضا في مسالة اخذ الاهل او السلف كمرجع للتطور لكن ليس في كل الاحوال اذ يمكن للانسان ان يكتشف قوانين و رؤى جديدة بالاجتهاد دون المساس طبعا بالطبيعة او الدين او عادات و تقاليد الاهل ....فليس الاختلاف من اجل الاختلاف فقط بل قد يكون الانسان مختلفا و مميزا عن غيره بشيء اكتشفه او اختراعا قام به او انجازا لم يسبقه فيه احد من قبل في اي مجال من المجالات .
مع تحياتي لك

candy يقول...

الحقيقة رغم أنى بتمرد كتير
وعندى دايما حماس للتغير والأختلاف

إلا أنى فعلا ادركت مؤخرا ان بدون سلطة والدى -حتى لو بقول عليها خنقة ورجعية و....و....- كنت عانيت كتير نتيجة جموحى

شكرا بجد على الخبرة دى

Dr. Ibrahim يقول...

ويجب أن نمشى كما علمنا أبائنا وأجدادنا وإن كان التغيير فالتغيير للأحسن وليس لمجرد العناد وتنفيذ ما فى الدماغ لابد من السماع للنصيحة والسير على طريق الكبار العقلاء ...

أحــوال الهـوي يقول...

واحشني

وكاتب اللي جواي و بداخل كل اب
نفسه يلاقي لغة حوار مع اولاده

اللي فاهمين ان التطور في الروشنة و الاختلاف
بس لما افتكر شبابي و انا في سنهم كنا بنجري ورا الهيبز و الشلستون و الميني جيب و الحمد لله لا يصح الا الصحيح و كلة بيرجع الي الطريق السوي

بس النقطة اللي عجبتني جدا موضوع القراءة و اختيار الكتب المناسبة لتاسيس الفكر ثم الانطلاق وراء الاختلاف فنستطيع التقييم و التفريق بين الصح و الخطأ

تحياتي

Unknown يقول...

ياليتنا سمعنا
كلام اهلنا من
زمــــان :هذا
ما اردده كثيراً
حمدلله على السلامة.

غير معرف يقول...

بحس في كتابات بكمية فلسفه انا محتاجاها :)

sal يقول...

الكلام جميل ولكن من النادر ان يتم الاستماع الى الكبار وكل شاب بيكون له تجربته الخاصة...
ربنا يصلح حالنا