الأحد، 16 نوفمبر 2008

شويه عليـّه وشوية عليك

* حِل المشاكل بالـ Compromising يعني تعالى شوية على نفسك واللي قدامك يتنازل هو كمان شوية ، لغاية ما تعرفوا توصلوا لحل يُرضي جميع الأطراف .. لأن زي مانت عارف مفيش أبيض أبيض ولا اسود أسود .. ورأيك ممكن صح وممكن غلط.. والناس لم تجتمع على شكل عبادة واحدة .. وأيضا لم يتفقوا حول الله وهو الخالق فكيف يتم الإتفاق على شخص أو مشكله..والإختلاف في الرأي لا يـُفسد للود قضية..وساعات بيبقى ممكن تنفيذ حلين شكلهم مختلف .. بس هما زي بعض.. و ممكن كلمة تغير الشكل المختلف ده.. فخلي بالك .. وحط نفسك كمان مكان اللي قدامك اسمع مره كلامه وهو مره يسمع كلامك.. ولازم كمان نحترم رأي من هو أكبر مننا وأكثر خبره.. وكمان مدى تخصصه.. يعني أنا مش حاحكّم رأيي على محامي شاطر في قضية أمام المحكمة..ومش حأصر على اني أمّشي كلامي على كلام أبويا.. ساعتها ممكن أعرف بعدين إن رأيه هو اللي صح.. لما أكبر شوية..ومش لازم التوازن ده في خناقة .. ممكن كمان في فسحة مع صحابك أو خطيبتك .. انت عايز مطعم معين والآخر عايز مطعم تاني .. ممكن تروحوا مطعم معين المره دي والتاني المرة الجاية.. ده مش فوز ولا هزيمه .. ده تفاهم ..أو تختاروا مطعم جديد عليكوا انتم الأتنين.. وساعتها يبقى لذيذ .. وفي نفس الوقت ماحدش جه على نفسه.. التفاهم حلو.. اطبخيله اللي عايزه النهارده وبعدين بكره ابقي اعملي بكره اللي انت عايزاه.. حيجيلك بعدين يقولك ما تعملي اللي انت بتحبيه وخلي اللي باحبه الأسبوع الجاي..لأنه حس إنك فضلتيه على نفسك .. وهنا حيعملك اللي انت عايزاه.. بس انت ابتدي وشوفي..

هناك 47 تعليقًا:

عمرو يقول...

صباح الخير يا محمد
مش متفق معاك تماما و مش مختلف معاك تماما
فيه مواقف ماينفعش فيها فير أنك تمشى رأيك مادمت أنك متأكد و واثق تماما من صحة رأيك ده ..
يعنى لو أنت مثلا عارف و متأكد أن المطعم ده بيقدم طعام ملوث و و صاحبك مصمم تاكلوا منه و أنت مصمم تاكلوا من محمد أحمد مثلا لأنه مطعم نضيف يبقى كلامك اللى لازم يمشى صح ؟
أنا بأضرب لك مثل يعنى
اٍنما برضو من رأيك أن علشان المركب تمشى بين أى اٍتنين لازم شوية تفهم و عدم تصلب الرأى خاصة بين الأزواج على فكره
بس برضو مش على طووووول !!

من غير عنـــوان يقول...

* عمرو
أكيد.. أنا أقصد مايمكن التنازل فيه.. لأن طبعا هناك أشياء لا توجد فيها تنازلات

وعشان أشرح ده كنت محتاج أكتب كلام كتير..

وإحترام الرأي الآخر مهم.. وإلا ماحدش حيحترم رأيك

إنما كلامك صح... مش على طول

أمنياتي

شمس النهار يقول...

دي آفه من اخطر افات مجتمعنا اللي بتخنق منها
ماحدش عايز يتنازل ولوان انا مابحبش كلمة تنازل كلمه مش لطيفه
ومن اهم اسباب الطلاق الان عدم التفاهم والتوازن
معركه كل واحد عايز يمشي كلامه بغض النظر انه صح والاغلط وغالبا المتشبث هو اللي بيكون غلط
نقدر نلخص الموضوع ونقول هو كبر مش اكتر
ماحدش صح علي طول وماحدش غلط علي
الحوار والتواصل والاحترام
واهم حاجه(الاستماع )
نتعلم نسمع بعض عشان نفهم ونوصل لحل وسط والدنيا تمشي
ومن اهم اسبا نجاح الحب واستمراره
الاستماع والتفاهم ومحاولة ارضاء كل طرف للأخر بود واحترام والتخلي عن
الكبر

من غير عنـــوان يقول...

** العزيزة شمس النهار
أكيد كلامك صح
( حُسن الإستماع مهم)
والإصرار على الحطأ بيكبره

ودي ثقافة مفقودة في بلدنا
وماحدش صح على طول ولا غلط على طول
على فكرة كلمة تنازل مش بايخه قوي لو عملتيها للي بتحبيهم.. ساعتها حتتعمل بحب..وحتجيب نتيجه..

أمنياتي بصباح سعيد

Kiara يقول...

والله صح ومعاك حق بجد

المهم ان التنازل مش يكون علي الكرامه او انه يمسها

المشخصاتي يقول...

أحياناً بيبقى التنازل من طرف بيستمر .. وبالاخص ان الطرف الاخر عندي ..واحيانا يكون التنازل مش في صالح الحق ..الحل الوحيد ان كل واحد فينا يحاول يقنع الاخر برأيه ..مقدرش ..نفضل اصدقاء ونترم بعض .لكن احنا للاسف معندناش ثقافة الاختلاف والشتيمة اي اول حاجة على بقنا ده غير العصبية والتشنج ..

mohamed ghalia يقول...

عندك حق والله يا استاذى لازم يكون فيه تفاهم ومفيش مانع من أنى كل واحد يجى على نفسه شوية
تحياتى
دمت بود

شمس النهار يقول...

حضرتك انا قصدي ان كلمة تنازل ماتنفعش بين الاصدقاء والاحباء والازواج
يعني في اي علاقه انسانيه
دي تستخدم في القضايا
مش عارفه مابحبش الكلمه لكن الفعل مطلوب بشده
بالعكس ده احلا حاجه في الدنيا ان الواحد يحس انه عمل حاجه للناس وراضاهم

أحــوال الهـوي يقول...

كلام جميل و كلام معقول
هناك اساسيات لا تقبل التنازل او القسمة علي اثنين و ما دون ذلك فكل شئ قابل للنقاش و التنازل

و العلاقة بين الاب و ابنه قد تاخذ هذا المنحي لانها بين الخبرة و القيادة بجهه و الشباب و التمرد بجهه اخري
هنا النفاش من منطلق التفاهم و النديه او من الاعلي للاصغر
انا شخصيا الجأ للاقناع و النقاش بالنفس الطويل ثم الطريق المسدود ففرض الرأي

تحياتي

انت تسال والكمبيوتر يجيب يقول...

دعوه
يسعدنا ان نسمع تعليقاتكم على ما نطرحه من موضوعات فى برنامجنا الأذاعى وهو الأول عن النت والمدونات من الأذاعه الرئيسيه لمصر ....موضوعاتنا تطرح فى مدونتنا...وتذاع التعليقات التى تكتبونها فى حلقات البرنامج وهو يذاع يوميا عذا الجمعه التاسعه وعشر دقائق صباحا على موجات أذاعة البرنامج العام
ونرحب باى تدوينه يمكن اذاعتهاكذلك
المدونه
http://netonradio.blogspot.com

من غير عنـــوان يقول...

* مولان
شرفتي ولك كل التحية

من غير عنـــوان يقول...

* المشخصاتي
موافق على أن ثقافة الإختلاف مهمه
متهيألي لو درسوا كيف نتعامل كفريق ده حيساعد

أمنياتي

من غير عنـــوان يقول...

* mohamed ghalia
شرفتني

كل الود والتحية

من غير عنـــوان يقول...

** شمس
طبعا أنا فاهم قصد حضرتك من الأول
ونفسي الناس تبطل العند والدماغ الحجر

أمنياتي

من غير عنـــوان يقول...

* أحوال الهوى

(انا شخصيا الجأ للاقناع و النقاش بالنفس الطويل ثم الطريق المسدود ففرض الرأي)


ومن منّا لا يأخذ كل السبل
ربنا يعينك ويعينا

أمنياتي

من غير عنـــوان يقول...

* أنت تسأل والكومبيوتر يجيب

ماعرفتش أدخل أزور مدونتكم
أظني سمعتها مرة بالراديو

شمس النهار يقول...

يبطلوا العند والدماغ الحجر؟
ده في ناس بتتباها بأنها عنيده ودمغها حجر وماحدش يقدر يمشي والا يتني عليها كلمه
ربنا يرحمنا

كراكيب عادل يقول...

انت تقصد التفاهم لان لو اتحايلنا علي الحجات علشان تمشي صح بعد فترة مش هتنفع

الصفاء والود والصراحة حتي لو كان فيها زعل لان دة الي بيوضح حجات كتير

Dr. Ibrahim يقول...

-إذن المطلوب هو نوع من التضحية لتسير السفينة

-المطلوب هو إحترام اداب الحوار فى الإسلام

-المطلوب هو توقير كبيرنا وإحترام التخصص

تقبل خالص إحترامى

د إبراهيم

Unknown يقول...

السلام عليكم رحمة
الله تعالى وبركاته
ليس كل ما أحبهخير
ليس كل ما اكرهه شر
ليس كل ما أراه حقيقى
وليس كل مالا اراه خيال
لابد وان افسح المجال
للخطأ او الصواب
.............
هكذا كتبت انا
فى احدى تدويناتى
ياباشمهندس محمد
المشكلة انك لا تفتكر هذا
وانت فى قلب الحدث لكن بعده
لاجل هذا تمالك النفس والنظر لاى امر
من بعيد ومن نواحى متعددة امر محمود!

غريب يبحث يقول...

كلام جميل بس المشكلة زي معظم الناس إللي ردت بعقلانية المهم وقتها الواحد مش بيبقى في وعيه، إذن أعتقد أن الناس محتاجه دعوى للصبر والتأني ومتتعصبش بسرعة لأن ساعتها بيكون حصل إللي حصل ...
في كمان جملة حلوة بتقول:
"رأيي خطأ يحتمل الصواب، ورأي غيري صواب يحتمل الخطأ"
لو عملنا كده برضه وفكرنا فيها ممكن إللي قدامنا يخجل من نفسه...ويبقى فيه تفاهم و ود.. وإنشاء الله تستمر الحياة...أعتذر لتأخر المشاركة.. نظرا لأني كنت مسافر...مع تمنياتي بدوام التوفيق...

من غير عنـــوان يقول...

* كراكيب عادل
أيوة التفــــاهم

هي دي الكلمة...أحلى من التنازل

شكرا للإضافة

من غير عنـــوان يقول...

* د. إبراهيم

نورت وشرفت دائما بكلامك الراقي

تحياتي

من غير عنـــوان يقول...

*norahaty
يقول النبي حبيبي عليه صلوات الله وتسليماته

إنما الصبر عند الصدمة الأولى

بمعنى أن وأنت في قلب الحدث ... هذا هو التصرف الذي تحاسب عليه... وده بيدعونا لعدم التسرع والنطق بما نندم علي

كلامك في مدونتك دائما ذو رقة وإحساس

أمنياتي

من غير عنـــوان يقول...

* غريب الشهير بخالد أو العكس

طبعا أنا مبسوط من ردك جدا... ما شاء الله عليك

تحياتي

من غير عنـــوان يقول...

* الباشمهندسة شمس النهار
ولا شمس لحسن تزعلي

الحقيقة وزي انت ما بتقولي دايما
الرك على التربيه
تنفيذ رغبات الطفل كأمر مسلم به هو ده بداية العند

أمنياتي

mahasen saber يقول...

انا فاكره الاختلاف زمان مع ماما كان بيبقى صعب
متسمعيش اغانى اجنبى عشان حرام
متقريش كتير عشان نظرك
مختمتيش القرآن الشهر ده ليه
وكنت انا كمراهقه عايزه احس بشخصيتى ومنتهى الجموح
دلوقت مع ابنى ابو تلات سنيين ونص بفتكر كل اليى ماما كانت بتعمله واعرف ان الخلاف ده اليى سببه الحب واليى هدفه الخوف على من تحب برضه

مدونة حضرتك رائعه
شاكره لحضرتك الزياره الكريمه لمدونتى
وبجد سعيده بمدونة حضرتك قوى قوى

حاجــ عيال ــات يقول...

السلام عليكم
الأستاذ العزيز بدايو متشكرة على زيارتك ليا وشرفتني جدا

ثانيا خلي شوية عليك وشوية عليا وليا زيارات تانية ودي مش محسوبة

اقصوصه يقول...

جميله هي التدوينه

فعلا الانسان لازم يعرف كيف يتنازل

بالقدر المناسب

وبالتوقيت المناسب

عشان ما يخسر اللي حواليه

تقبلي مروري:)

الجواز و سنينه يقول...

حلوه اوى البوست ده كالعاده
فعلا لازم الواحد كون مرن و دايما يكون شاكك ان رأى الاخر ممكن يكون هو الصحيح و رأيه هو الغلط او العكس
و فعلا لما كل واحد يتنازل شويه الدنيا بتمشى
و عمرها ما تمشى بالعافيه لازملها شويه مرونه
تحياتى على الفكر المرن

حاجات جوايا يقول...

السلام عليكم سيدى الفاضل
جميل أن أثرت هذا الموضوع الهام لأننا بتنا لا نعبأ بآراء بعضنا البعض ونصر تماما على آرائنا مما يولد الكثير من المشاكل ويوغر صدورنا تجاه بعضنا البعض

لكن للأسف الحل ليس بالسهولة المأمولة .. فهو نتاج تراكمات مجتمعية ثقافية ولابد أن يبدأ الحل من الأسرة فى أسلوب تربية الابناء و تنشئتهم على أدب الاستماع والحوار للآخر وغرس مبدأ " رأيى صواب يقبل الخطأ .. ورأى غيرى خطأ يقبل الصواب " بداخلهم

أتمنى أن يتحقق ذلك فى الأجيال القادمة .. فجيلنا لديه من الوعى والفهم ما يستطيع من خلاله تربية أبنائه بأساليب صحيحة

جزاك الله خيرا على طرح الموضوع
دمت فى حفظ الله وأمنه
سالى

غير معرف يقول...

المشاكل بين إتنين دائما بتكون نتيجة لأن كل طرف متمسك برأيه وبيرفض الرأي الآخر، أسباب الرفض تتفاوت ما بين عناد، وتكبر، وجهل، وكره، وأحيانا رفض لمجرد الرفض... إذا حاول كل طرف إنه ينظر للمشكلة من زاوية الطرف الآخر، أو على الأقل يعطي فرصة للطرف الآخر إنه يعرض رأيه بهدوء، أكيد المشاكل بين الطرفين ستقل جدا.

من غير عنـــوان يقول...

* mahasen saber

شرفتيني
وكلامك صح
وزمان وأنا باصص على بناتي وخما رايحين المدرسة وبيعدوا الشارع كنت بأقول في نفسي
آه لو تعلمون يا فلذات كبدى كم أحبكم

أمنياتي

من غير عنـــوان يقول...

* حاجات عيال

أن مبسوط من تحيتك

أمنياتي

من غير عنـــوان يقول...

* أقصوصة
شرفتم وآنستم

شكرا على التعليق الطيب

أمنياتي

من غير عنـــوان يقول...

* الجواز وسنينه
شكرا وألف شكر

أمنياتي

من غير عنـــوان يقول...

* حاجات جوايا

نعم
الأمل في الأجيال القادمة
وهذه مهمتنا


أمنياتي

من غير عنـــوان يقول...

* Hina wi Hinak
كنت فين من زمان

شكرا على التعليق

أمنياتي

شمس النهار يقول...

صح التربيه
بس مين يربي اللي هيربي اصلا ويعرفه يربي ازاي
ان شاء الله هرد علي تعليق حضرتك عندي
وخصوصا موضوع محو الاميه ده عشان انا لي في قصه كبيره في البلد دي
تحياتي

Tarief يقول...

انا لسة متابع :)

رئيس التحرير يقول...
أزال المؤلف هذا التعليق.
رئيس التحرير يقول...

لسلام عليكم ورحمه الله وبركاته
عزيزي ...العناوين كلها انت تبقي ازاي من غير عنوان .
اشكرك علي زيارتك ومرورك الرقيق وسؤالك الطيب.
الموضوع في غايه الاهميه ..وقد طرحته بشكل جيد وممتاز ..طريقه الطرح جعلت الجميع يتجاوب وكل منا أخرج من جعبته المفيد..تعليق بسيط حتي تتضح الرؤيه تماما...
الاتفقاق هو الميثاق هو القانون والحاكم بين طرفي القضيه ولا بد من العقد بين الطرفين والعقد يحدد الاطراف المتعاقده
وبعد ذلك نص الاتفاق ..وقد كان ذلك اليثاق في آيات قليله في سوره الكافرون
وهي ست آيات حوت ميثاق التعاقد بشكل شامل انه كلام رب العزه ...( قل يا ايها الكافرون لا أعبد ما تعبدون )
هذا التوضيح مع من لا يعنيك أمرهم فما بالك بمن تحبهم ويحبونك لا بد من الايثاق
تقبل عذري ....للأطاله

19 نوفمبر, 2008 01:14 م

من غير عنـــوان يقول...

* Tarief

مبسوط إنك لسه متابع ومبسوط إنك كتبت هنا

تحياتي

من غير عنـــوان يقول...

* صاحب العزبه
إضافة جميلة منك

شرفت ونورت

Unknown يقول...

دخلت افركش عند صاحب العزبه لقيت العنوان قلت اعدي اشوف الي ما لقتوش في العزبه وخدت العنوان الي مش موجود وتعديت الحدود وخدتني وجيت ...أهلا بيه.
مش كده برضه والنبي؟

من غير عنـــوان يقول...

* فركشاوي ..ناوي

يا ألف أهلا وسهلا
نورت


تحياتي

من غير عنـــوان يقول...

* م/ الحسيني لزومي

شكرا على تشريفك
نورت

أنا متابع لحملتك

بس الحقيقة إني داخل عالم المدونات من أجل هذف واحد
ومش عايز أربط أو أرتبط بموضوع بعيد أو قريب

إنما ممكن حضرتك تقولي أعمل إيه كي أصبح من المتابعين لمدونتك... ومنها يدخلوا على الحملهه

شكرا مرة أخرى