الأحد، 14 سبتمبر، 2008

ملحوظه قبل ما نبتدي ..


ملحوظه قبل ما نبتدي ..
أول ما تلاقي الكلام بايخ ، سيب القراءه على طول.. ماتضيعش وقتك..
على فكره كل المواقف مش مترتبه.. عشان ماتزهقش من الكتاب..ملحوظه كمان.. أنا اخترت خليط من العاميه والعربية .. على الرغم من انها مش مناسبه للكتب اللي بالشكل ده ..وكان نفسي جدا تكون عربية متينه .. بس خفت انكم تزهقوا..كمان كتبت شوية أقوال مأثورة بالأنجليزية .. لأنها بتدل على المعنى بصورة مختلفه.. زي ما كتبت حكم عربية وآيات من القرآن وأقوال من السُنه..وممكن تلاقي كلام متكرر .. وده أنا حطيته لأن ساعات القيمة بيكون لها كذا معنى..وممكن كلام تحس انت انه ضد بعضه.. بس هو بيكمل الوسطية.. يعني بيديلك فرصه انك تعمل كده مره وكده مره والحاجتين صح .. دي لها فايده من ناحية ودي لها فايده من ناحية تانية..
و أملي وأمنيتي ان الكلام يوصلك يابُني ويا بُنيتي..وتعملوا بجزء ولو بسيط جدا من اللي قريتوه..
على فكره ممكن يكون يا أخويا ويا أختي.. ويا والدي ووالدتي.. بس أنا الأول قلت يابُني ويا بُنيتي عشان هما دول الأمل والمستقبل.. انما أنا شخصيا استفدت كتير من اللي قرأته ومن اللي كتبته..ولو مش عايز غير 5 نصايح من غير تضييع وقت ....خلاصة الخلاصة ... من الآخر.. في الإنجاز...طريقك إلى حياة سعيدة....
o حِـب ما تفعله وحـِب من وما حولك..................
o اقرأ في أي موضوع .. فهي سبيلك للمعرفة..........
o اصحى بـدري .. فالبركة في البكور......................
o امشي على قدر ما تقدر ، سبيلك للتأمل والصحة...o
اشرب مياه بكثرة .. فالمياه سر الحياة.................
عايزك تفكر في الدنيا..ببساطة ..تأمل.. تأمل في حال الدنيا.. تأمل في اللي حواليك.. زرع وسما.. ناس وحيطان..ربنا خالقنا ليه؟..خلي بالك هي وقت معين وحيخلص.. علشان كُلنا حنموت..طيب تعمل إيه؟..* تــُعبد ربنا عشان تدخل الجنة.* تعمل حاجةمفيده عشان يبقى لحياتك معنى ( تشتغل وتذاكر.. تزرع.. تعمّر الأرض.. تبقى بطل رياضة.. يبقالك هدف..).
* تستمتع بحياتك .. استمتاع مشروع.. لإن كلنا حنموت.. وربنا حلل لنا أشياء طيبة لنستمتع بها .. فاستمتع ..
* ماتزعلش ولا تزعل اللي حواليك.. وأرضى بنصيبك من هذه الحياه.. لإنك واخد زيك زي غيرك.. والراضي له الرضا................................................بس كده..
عندما (يُريد) الإنسان ... فإن السماء هي الحدود ......

هناك تعليق واحد:

من غير عنـــوان يقول...

ده من البوست القديم




mfk يقول...
و طبعا.....
الكلام ده ..... عايز له رد ....
لان كل فعل له رد فعل والحمد الله ان عندي رد فعل و احيانا فعل مش زي الناس التانيه اللي ماقراتش و ما شافتش او فرات وشافت وفضلت تغير عنوان الصفحة او قفلت الانترنت ...
يا بانيتا ....
انت حليت المشكلة ببساطة جدا جدا جدا جدا .....حل سحري ... سهل وبسيط زي لغتك ومنطقك فى الحوار...
لكن عندي ســــــــــــــــــؤال
تفتكر ان اللى حوالينا من الناس ممكن يعملوا بالكلام ده البسيط الجبار......؟!!!!
- اذا فكروا فيه ...............
- اذا استوعبوه ...............
- اذا منطقوه واصبح منهجهم في الحياه ...............
- اذا وافقوا علي الرضا .......................
- و اذا و اذا و اذا و اذا و اذا ...............
فيه ناس موافقه
وناس رافضه
وناس سامعه
وناس صامته
وناس شايفه
وناس مغمضه
الناس دى لغز كـــــــــــــــــــــــــبير ...... لا ولن يحل .....

يامسحراتى العصر .....
اتمنى من صميم قلبى قيامهم للسحور وبدايه صيامهم لمستقبل رائع وجميل و ما يكونش فيه مسحراتيه ......

11 سبتمبر, 2008 12:08 ص


من عير عنـــوان يقول...
فيه ناس موافقه
وناس رافضه
وناس سامعه
وناس صامته
وناس شايفه
وناس مغمضه

حلو الكلام
يعني في ناس ممكن تسمع
ودول اللي أنا بأكتبلهم
الفكرة إني لقيت عندي كلام ممكن ...إحتمال ينفع حد...
عشان كده كتبته...
وعندي أمل - في الله - إنه حد واحد بس يستنفع بيه

أرجو أن تنتظر باقي الكتابات
شكرا على وقتك وكلامك يا صديقي العزيز...

11 سبتمبر, 2008 12:20 ص


غير معرف يقول...
كان اهم جزء ان في ناس انتو الاتنين ركزتم على جزئية الناس وبعد كده ركزتم على الجزء الايجابي وهو في ناس بتسمع ...

كلامكم غريب او الاسلوب غريب و جديد بس ساعات غير المضمون الجيد لازم يكون الاسلوب كمان جيد عشان يشد

اما هنا اسلوب جديد( افضل غريب) + مضمون جيد = نجاح جيد (غريب)

13 سبتمبر, 2008 09:35 م


من غير عنـــوان يقول...
اما هنا اسلوب جديد( افضل غريب) + مضمون جيد = نجاح جيد (غريب)....
__________________
شكرا للكلمات الطيبة
__________________

14 سبتمبر, 2008 01:11 م


Arabic ID يقول...
كلامك من ضميرى .. فعلا مش مجاملة
أنت كتبت طريقة تفكيرى ومبادئى

غريب جدا وكأنك مسكتنى ودلقتنى على الصفحة دى


تحياتى لك .... شكرا

19 نوفمبر, 2008 09:50 ص