الأربعاء، 24 سبتمبر، 2008

الرابعة

تعلم الوسطيه..
Maximum, Optimum, Minimum
يعني لو بتشتري حاجة .. خلينا نقول عربية مثلا ( عشان دي حاجة مهمة) أولا لازم تعرف انك ان شاء الله حتجيب غيرها..المهم انت معاك فلوس لأقل فئة من العربيات .. بس نفسك في حاجة حلوه أكبر.. وتقدر تقسط جزء.. مش لازم تزنق نفسك .. لازم تعمل حسابك انك تقدر تدفع القسط.. ولو مش قادر اختار حاجة وسط.. وهكذا.. مش لازم تاكل لغاية مابطنك تنتفخ.. أو ماتكلش خالص.. في النص أحسن.. خير الأمور الوسط.. مش لازم تدور على قميص جديد تشتريه لمده اسبوع بتلف.. اعمل حساب وقتك اللي انت بتلف فيه.. هو ده Optimum موازنه بين الوقت والفلوس والجهد..
وكمان الكمال لله وحده Perfection Against Successبمعنى انك ممكن تفضل تشتغل في مشروع وانت تنشد فيه الكمال .. تقوم تتأخر في ميعاد التسليم .. وتخسر أو تسقط.. اتعلم تقول Stop وتعرف امتى تشيل ايدك من اللوحة.. لحسن تبوظها.. وانت نيّتك انك توصل للكمال.. طبعا كل ده مع أهمية أن تنشد وتتطلب الإتقان.. وده كمان بيعلم الرضا.. الرضا بإنك لقيت شقة معقوله.. حلو..بكره لما تكسب تغيرها.. كمان افساد طعم الأشياء بطلب كمالها .. مراتك عملت أكله حلوه .. رضا .. ناقصه شوية ملح.. وماله.. زود انت.. ماتحملش نفسك واللي حواليك أكتر من طاقاتها .. ارضى عن شغل الموظفين لو إنت مدير.. علمهم.. ما تقعدش تقولهم أنا حاعمل أحسن.. لإنك ممكن تقع زيهم في الغلط..

* الإنترفيو لازم بلبس فورمال "Formal".. طب ليه ؟؟ وماله الكاجوال .. وهو يعني الناس حتاخد بالـمنظر,, ثم ان ده مزاجي في اللبس.. همّا لهم انهم يمتحنوني في قدراتي.. مش يبصوا على لبسي.. آآآآآآسف.. طبعا حيبصوا على لبسك وعلى طريقة كلامك لإن هما عايزين شخصية برضه.. والشخصية الـمتكامله : عندها علم ، بتعرف تتصرف، وبتعرف تلبس يعني Presentable وفي اختبارات القبول ااـمعايير كتيره ، مش موضوع شطارة وبس.. يعني مثلا ميكروسوفت عينت 40 مهندس حديثي التخرج في فرع القاهرة، كلهم متفوقين.. ( متفوقين فقط) بس عينتهم في وظائف عادية .. واختارت 10 نص متفوقين بس عندهم شخصية وsmart وعينتهم في الوظائف الجامده اللي بمرتب عالي.. لأنهم واجهة الشركة..لإن أي شركة بتدور على حد يعرف يتصرف ويحل المشاكل..سواء مشاكل مع الزملاء أو العملاء.. مش معنى كده ان اللبس أهم من العلم ,, بس مش معنى كده برضه انها علم وبس..هي معادلة ما بين ده وده..ده غير انهم ( قصدي اللجنه اللي حتمتحنك) ناس جايين لابسيين بدل ورسمي.. وسيادتك جايلهم بالجينز والتي شيرت .. فكّر انت بأه!!؟؟ والكلام كمان له صيغه "Formal" ، يعني مايصحش بعد نهاية المقابله انك تقول لرئيس اللجنه .. قشطة بأه .. أجيلكوا أمتى أتعين !! مع إن قشطه دي بتقولها عادي لصاحبك ومابيزعلش..ويمكن لباباك .. كمان لازم تقفل الموبايل..تقفله .. هه..وحاجات تانيه كتير بتخلي واحد يتعين وعشره لأ..

هناك تعليقان (2):

غريب يبحث يقول...

كنا فيانتظار العدد الجديد بفارغ الصبر...
صعب اوي ان الواحد يقول stopوهو بيشتغل، خصوصا لو كان بيحب شغله لان صعب اوي اوقف شغلي في حاجه بحبها وانا نفسي فعلا اوصلها لحد الكمال بس اللي اتعلمناه ان الكمال ليس له وجود إلا في حاجات الخالق بس سبحانه وتعالى...
فعلا الواحد محتاج يتعلم امتى يقول stopوده محتاجه مجهود وخبره كبيره على ما اعتقد...

وطبعا لازم الانترفيو او المقابلة الشخصية تكون فورمل في كل حاجه،.لبس، كلام، قعده، etc
وكمان لازم الواحد يتعود و يتعلم يعمل مقابلات كتير حتى ولو مشتغلش او مش محتاج لمجرد الخبرة وعشان يكون up to date بكل حاجة....

من غير عنـــوان يقول...

عارف يا خالد ... مجرد تعليقك على الكلام ده إيجابية كبيرة.. واحترام للكلام.. وده في حد ذاته شئ جميل....
شكرا